Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

"O Shvedo ketane" butca e neve nashutnenge

Publicime tisdag 22 december 2015 kl 12.08
Butca aj praktika neve nashutnenge
(2:25 min)
 Foto: Hannah Engberg / Sveriges Radio
Foto: Hannah Engberg / Sveriges Radio

E regeringosko pushipe te zutin aj te keren maj latci etablatcia e neve nashutnenge.

"Sverige tillsammans" o Shvedo ketane las kontakto 200 firmentca so kamen te den praktika vaj butci aj e neve so avile anda kaver tema. Kado penel o Arbetsförmedlingen.

O Omar Tobba so si 33 bershengo mashinovo ingenjeri anda Siria las kade praktika pe firma Swec.

Kado si anglono paso ando muro trajo te shaj unavav muro zanglipe ando VVS, aj kado0 zal mange mishto, savori si latce aj kemen te zutin man kate pe kadi firma.

Ando oktober o regeringo shutas avri o projekto o Shvedo ketanes te shaj organizaci temeske aj privatne firmi ketane te zutin kadalen so si neve nashutne anda kaver tema pe butcako marketo.

Kadal firmi so zan andre ande kado projekto si zutime katar Arbetsförmedlingen te araken butca aj tana pe praktika aj pe duj shion manglepe 200 firmi ando projekto aj 25 anda lende si zurales bare firmi so shaj len opral 100 zenen peste ande sako firma. Unji anda kadal firmi si Axfood, Riksbyggen aj Academedia aj Sweco.

E Åsa Bergman so si cherotno po Sweco penel ke baro konkuranso si pala arkitektora aj ingenjerora ando Shvedo aj anda kado von kamen e neve nashutnen so aven ando Shvedo.

Von den kompetenso aj kaver perspektivora, aj kado si jek extra ordinarno situatcia aj o Sweco si jek firma si shaj del butca. Savori njirin.

O Arbetsförmedling chi zanel inke kitci tana pe praktika aj butca kadal firmi shaj den ketane ale te ginavas feri e bare firmi avena 2500 tana.

Kado si feri 5 procentora anda kadal 53 000 neve nashutne so si andre skirisarde adjes. Pasha kado inke 85 000 manush mangle azylo kado bersh.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".