Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Neve pravora 2016

Publicime måndag 28 december 2015 kl 13.40
Neve pravora katar 2016
(5:27 min)
Foto: Leif Jönsson/Sveriges Radio
Foto: Leif Jönsson/Sveriges Radio

Pala nevo bersh sar mindig si unji parojimata e pravosko aj neve pravora aven andre.

Sako bersh munush chi zanen pa kadal parujimata aj pagen o pravo. Pushlam katar jek romnji e Pernilla so voj gindoj.

Unji anda kadal pravora si ke si te avel jek trito shion dadesko ando föräldraförsäkringen, avena parojimata ande rot aj rut avdragen, o skato pe bensina avela maj baro.

Jek pravo kaj si ande vorba akanak si ke o regeringo shaj kerel decizija te kerel kotroli pe busura, parahodora vaj gesha so transoprtulin manushen ando Shvedo. Kadal kontroli avile ke shaj avel bari daj e patcasa ando shvedo aj o regeringo kado kade atcarel aj avena kontroli granjicego katar 4 januari. Nashutne so avena musaj avela lenge te sikaven jek id handling te shaj naken e Shvedoski granjica. O gindo si te aven maj cera nashutne ando tem.
E Anna Johansson (S) so si infra ministerka penel ando debato kaj o riksdag kade.

kade si ke e systemora so si amen kana aven e nashutne si tela baro preso aj ame so sam o regeringo dikas jek trobujipe ke akanak musaj te las kadi detcizia pe lungo vrama kadalesa. Te na las kadi detcizia avela maj chores aj e konsekvenora ando tem avena maj bare.

O systemo kaj si etablerings lotsar e neve nashutnenge si te avel tele lino katar o nevo bersh, ale e arbetsförmedling aba line tele kado ando februari po chi lenas andre neve butcaren pe kado. Von line sama ke sas kriminalne butca kaj kadal leverantorora.

O Generalno direktöro Mikael Sjöberg pendas kade atuntci.


Kadal problemora sas tela lungo vrama aj akanak kerdzile maj nasul. Ame adjes dikas pe but tana ke si bare organizovane kriminalne butca. Nashtik te garantulisaras kvaliteto aj patca ando systemo majdur. Pendas o Mikael Sjöberg.

E granjica kaj o sjukförsäkring len tele katar o 1 februari. Kado kerel ke e manush aba chi avena utförsäkrade katar e försäkringskassa aj chi hasarena peski sjukförsäkring pala vrama. Adjes feri shaj les sjukförsäkring tela 2.5 bersh.

Avena parojimata ande skatteavdragen e skatoske tele chirdimata ande rut aj rot butca. Katar o nevo bersh kadal so kinen rot butca, kado si reparatci aj kana keres vaj keraves chiro ker, atuntci feri shaj chirdes tele 30 procentora katar chire koshtora ajdes shaj cirdes tele 50 procentora. O rut avdragen si kereske butca hushållsnära tjänster, kote keren o avrdrag po dopash katar sar adjes 50 000 kr zi 25 000 kr kadal manush so si majpure sar 65 bershenge lenge ashel sa kadi granjica sar kaj sas. Kirajipe aj te les andre bartenderos vaj maj lyxig städning kidipe keresko aba chi avela ando rut avdrag.

O erik ullenhag so si Folkpartiets ekonomiske talesperson daral so kadal parojimata shaj keren e butcange.

[Duration:0:08]

Ando Shvedo naj but lotke butca, amen trobusardov reformora so den maj but lotke butca. Aj von kadalesa paroven o pravo aj keren o rot aj rut te avel maj cino avdrag aj atuntci vazden o progo te aves andre ande lotke butca. Kado pendas o Erik Ullenhag.

O skato pe bensin aj po diesel avela vazdo, o skato kadalenge kas si cini pensia avela cinjardo aj o jobbskatteavdraget kadenge so si höginkomsttagare avela cinjardo.

Kontakt förbud so si shuto pe varikaste aj so shaj kerel kriminalne butca vaj te kerel trakaseria vaj te pirel pala varikaste avela sa jek ando intrego EU. Kado kerel ke te si tut kontakt förbud ando jek tem ando EU si tu sa kado ando intrego EU.

Jek trito dadesko shion si te avel shuto ando föräldraförsäkringen. E djes so nashtik te des kaj e kaver dat vaj dej avela 90 djes na sar adjes 60 djes. O gindo si maj but dada te len avri föräldraledighet kado penel e Socialförsäkringsministerka Annika Strandhäll.

Ame zukardam pe kado lungo vrama, kado si jek inportantno pushipe te avel majfeder mashkar zuvlia aj mursh pe butcako marketo.

So inke hasajvel si o kommunala vårdnadsbidraget, kadal sas love so e deja vaj dada lenas te ashenas kere peske shavorentca. Kado zutipe las kritika po penen ke romujas e integracia aj o jekipe mashkar manush.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".