Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Nationalno

Trendora po Google

Publicime måndag 28 december 2015 kl 13.55
So rodelpe po Google
(4:39 min)
Foto: Jens Meyer/TT.
Foto: Jens Meyer/TT.

E chore vrami aj e nasul nevimata ande luma sikavan adjes sostar e manush ando Shvedo kerde googla pe kado so kerde googla o bersh 2015.

Pa habe so kerenas googla e manush si pa jek jevendesko nevimatesko guglipe so bushol semmelwrappen aj kaj sas kerdi ande jek kavjarnja ando Stockholm. O Mattias Ljungberg si konditori ando tössebageriet kaj arakle avri kadi Semmelwrapp.

O trendo inkrelpe intrego sesono, katar o januari zi kaj e patradzi aj vi kolejki sas amen angla amari bolta intrego chaso. Kana variso zal viralno atuntci savori roden po google aj aven. Kado pendas o Mattias.

Kado si po 6 so o google presentolij peske listi pe soste e mansush kerde googla majbut aj che trendora si po internet.

O atentato pe gazeta Charlie Hebda, e shurako atako ande Ikea ando Västerås aj o patreto po rakloro anda Syria so tasilas ande Turkiet so dzelora so e manush kerde googla but tela kado bersh.
So sas majbut rodo tela kado bersh sas pa Lisa Holm, e 17 bershengi raklori so sas mudardi ando Kinnekulle ando Västergötland milaje ando juni.

O Jonas Wallentin si analytiker aj kerel butci po google.


Musaj te pindzarav man aj te penav ke shoha tela muri vrama kate po google chi diklem variso kade te barol sar kaj sas e Lisa Holm. Kado azbadas e manushen ando Shvedo zurales, aj katar e media sas zurales baro intereso.

E Shvedanora pushenpe pushimata po google so majbut. Tela kado bersh kamasas te zanas kon si e xeonofobitcno blogerska Julia Caesar, che lungo si e Jenny Strömstedt so kerel butci po tv. Vaj so si emojis aj soj o decemberöverenskommelsen.

O Jonas Vallentin gindoj ke e trendora rodimaske sikaven jek positivno patreto kon e Shvedanora si.

Me gindoj ke kado resultato sikavel ke but atcaripe si karingk kaver manush. Ame rodas informatcia pa krisiso nashutnengo ale vi rodas sar te zutisaras manushen kaske si chores. Kado pendas o Jonas Wallentin.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".