Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Preso shon po regeringo te avel jek myndighet pa jekipe

Publicime måndag 28 december 2015 kl 14.05
Jekimaske pushimata
(5:10 min)
Jämställdhetsminister Åsa Regnér. Foto: Bertil Ericson/TT.
Jämställdhetsminister Åsa Regnér. Foto: Bertil Ericson/TT.

Jek themesko rodipe das na dulmut propozicia o regeringo te anel andre jek särskild jämställdhetsmyndighet ando Svedo. Aj vi si jek inerno presso e ministerka Åsa Regnér te kerel variso.

E Socialdemokraternas kvinnoförbund taj o Miljöpartiet penen ke trubuj jek myndighet pe jämställdhetsfrågor/ jekimaske pushimata, te cinjaren o duripe mashkar mursh taj zuvla.

- E jekimaske bucha musaj te inkerdjon kethanes maj strategicnie, aj varikon musaj te le responsibiliteta, penel e Annika Hirvonen Falk, Miljöpartiets jämställdhetspolitiska talesperson.

Soj o problemo adjes la organizaciasa?

- Pa intregi riga si, aj konik chi lel jek kidini responsibiliteta. Chi keren dosta lasie evaluacia pe e insatser, taj kodo kerel ke naj amen konik kaj inkrel ande jekimaski politika, penel voj.

Za lokes zal te avel jek jekipe ando them aj univar zal vi palapale, kade pende ando oktober kana sas o rodipe pe jekimaski politika.

Anda kodo musaj te keras jek expertovo myndighet pe jekimaske pushimata, kaj site avel amen responsibiliteta te dikas sar gelas.

E proposicia si akanak po remisso taj e ministerka Åsa Regnér chi kamel inke te penel pesko gindo.

- Me ulavav o analyso ke musaj te zuraras kon inkrel ande kado sa kade sar pe kaver politicni thana. Anda kodo gindi ke e proposicie te avel jek specialno myndighet zurales intressantno. Ale me zukarav pe e remisovi atvetura aj penasa naj palal so penel o regeringo pe kado, penel e Åsa Regnér.

Ale si vi interni kravura e Åsa Regnér te penel ke kamel jek jämställdhetsmyndighet/jekimasko myndighet. Kodo si zurales vazno kana si jek feministicno regeringo, penel o Miljöpartiet.

Vi e Socialdemokraternas kvinnoförbund kamel lengo vlasno regeringo te del jek myndighet pe jekimaske pushimata. Kade penel e Carina Ohlsson kaj si kvinnoförbundets ordförande.

- Me kindi ke kerna rodipe pe kado.

- Jek kotor si te diken pe kado pushipe intrego vrama, te na avel musaj shon rodipe aj o rodipe te del propozicie, feri chaches te avel jek myndighet kaj intrego vrama dikel pe kado.

E regeringosko budgetovo partneri o Vänsterpartiet aba but vrama manglas te avel jek jekimasko myndighet. E Rossana Dinamarca, si jämställdhetspolitisk talesperson bizi pe ke o proposalo avla chaches.

- Vaznoj te avel jek myndighet te dikel sar o jekipe mezi, taj aktivnie te kerel buchi karing könsdiskriminering. Ale vi vazno/importantnoj te barol janglipe aj vi maj dur te zal o zanglipe.

Katar zanen ke o jekipe avla maj lasio te avla jek nevo myndighet?

- Kodo ashol pe sar o myndigheten kerela buchi, ale me sajek gindi ke importantno te avel varikon kaj kerel buchi aktivno kadalesa. Kodo adjes naj amen konik kaj kerel, taj ame kodo kivanisaras aj vi dikas ke za lokes zal, penel e Rossana Dinamarca.

E Sverigedemokraterna taj e Moderaterna, Centerpartiet taj e Kristdemokraterna chi pachan jek nevo myndighet kerela ke avla maj lasio jekipe.

Desirée Pethrus kaj si Kristdemokraternas jämställdhetspolitiska talesperson penel kade.

- Ame ande principa chi kamas maj but myndigheter, ame navet kamas te las tele uni myndigheter, za but byråkracia si.

Ale e paluni jämställdhetsministern, Liberalernas Maria Arnholm - kaj andas andre o rodipe penel ke e proposicia pe jek expertovo myndighet si intressantno.

- Inke lungo drom si amen zipun o Svedo jämställd,aj me gindi ke lasio bajo te avel jek myndighet kaj dikel, taj kidel zanipe aj e buchi te kerel kade te avel jek maj baro jekipe, penel voj.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".