Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Chi hasnin o nevo pravo pa diskriminacia

Publicime onsdag 30 december 2015 kl 09.35
Chi keren kanchi
(4:02 min)
Foto: Simon Paulin/TT och Janerik Henriksson/TT
Foto: Simon Paulin/TT och Janerik Henriksson/TT

O nevo pravo pe diskriminacia kaj kerel kade ke kas si bolta musaj te kerel te avel maj letko kodolenge kas si funktionsnedsättning, inke nas chi jek jekfar zumado.

O DO inke chi kerdas kanchi, taj o Lars-Göran Wadén kaj kerdas 3 Do-anmälningar holjavel pe kado.

- O pravo naj les chi soski funkcia. Chi kerdjol pe kanchi, penel o Lars-Göran Wadén, kaj beshel ando rullstol.

O pravo penel ke kas si foretagura, foreningura taj myndigheter te keren kade te avel maj letko le manushenge kaj silen funktionsnedsättning. Site diken che problemo si e manushes, sar exemplo te si koro te shaj ginaven kodole manusheske o menyn.

Zipun navet sas o pravo, denas les e manush kritika ke bi zorako sas. Foretagura kaj si feri 10 buchara naj musaj te inkren o pravo.

Univar navet sas kade ke o DO penelas ke jek situacia nas pa diskriminacia, lelas sajek o myndigheten kodo pe krisi.

O Lars-Göran Wadén naklas kasavo bajo. Vof kerdas anmäla jek bussbolag ke o chaforo chi meklas les te tradel kana o chaforo chi zanelas sar te kerel o trappliften.

- Pala jeke bersheski investigacia pendas o DO ke chaches naklan diskriminacia ale ke chi zan maj dur kadalesa, penel o Lars-Göran Wadén.

Sa kethanes las o Diskrimineringsombudsmannen 300 anmälningar pa sa kasave situacie. Ale kaj alosardas o myndigheten te na del chi anda kadal fall pe krisi naj djivno, penel e Carolina Stiwenius kaj si jurist taj utredare po DO. O DO kamel e manush anda peste te keren kodo so trubuj, taj e skälighetsbedömningarna keren o pravo paro, penel voj.

- O pravo si juridisk, teknisk taj komplexovano. Kade ke nashtik penas kanchi ke si but ando pravo kaj naj sar so trubuj, penel e Carolina Stiwenius.

Ale o Lars-Göran Wadén penel ke problematicno ke o pravo shoha naj zumado ando domstolen. Kado si moment 22 kaj kerel ke konik chi zanel kanchi.

- Me acharaf ke kana avel jek nevo pravo, naj jekfarsa perfektno. Ale pala pare bersh maj lasio kerdjol, kana aba sas jek vrama taj sas zumado. Pala kodo kam te paruves kodo kaj chi zal. Ale kado pravo naj chi soski chansa navet te zumaves les, penel o Lars-Göran Wadén.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".