Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Cirkus Romanes ando Paris

Publicime onsdag 30 december 2015 kl 11.33
Cirkus Romanes aj xenofobia ando Paris
(4:51 min)
E rom ando cirkus
E rom ando cirkus

Ando Pariso si jek Romano Cirkuso so si zurales pindzaro ando tem, adjes si kadalen so inkren kado Cirkus Romanes bare problemora e xenofobiasa pala atakora teroristcine so sas na durmut ando Pariso.

De 22 bersh kadaleske startulisardas o cirkus romanes ando Pariso aj katar kadi vrama si jek zurales popularno dzela ande kulturako trajo ando pariso. E cirkos si akrobatora , jonglorara artistora musikake. Kadal artistora vi sas ando Shvedo te keren koncertora. Ale pala milaj o aktualno problemo e nashutnentca shutas peske vurmi ande romano trajo aj ande aj ande kulturake butca.

O atentao ando Pariso kerdas ke e vrama adjes atcardzol zurales chores ando Pariso aj ando Francoso adjes e romenge, e Delia Romanes so inkrel o Cirko Romanes penel ke voj daral te na aven neve atakora.

Me darav te aven majbut nasulimata karink amende kado penel e Delia Romanes so inkrel o Cirkus Romanes ketane peske romesa Alexandre.

Pala milaj kana xenofobiake extremitcne sympatizorora pala milaj maladzile pasha e Ungritcko ambasada aj pala kado gele opral 1000 manush kaj o cirkus Romanes te keren holi aj te keren nasulimata.

E exebitca "la Lune Tzigane brille plus que le soleil" o romano shunut pabol maj zurales sar o kam nashtik sas inkerdi.

Kana kodo nevipe sas sikado ande francusitcko media sas pendo ke e problemora e nashutnentca kerdas o rasismo te barol karink e rom aj e romani kultura zurales but.

Kana vorbijpe kadale manushentca kas si bari xenofobia penen ke kaj o Ungrosko cherotno ministro o Viktor Orban si zuralo aj chi daral te inkrel tele e nashutnen pacha e temeske grajnici aj loshan leske.

E Exteministora planolin maj but maladzimata aj o Alexandre Romanes. O problemo si ke but chore manush trajin ando Francozo, but manush roden kas te dosharen penel o Alexandre so majdur penel ke but shuden e dosh pe rom ke naj mishto ando tem. Aj kado naj kade.

O Cirkus Romano si akanak leshime katar e policia te na den e extremistora pe lende pale.

E komuna ando Pariso vazdas opre jek vorba po internet aj kerdas jek zutipe e cirkoske. E Artisktka Jane Birkin O butcari katar Charlie Hebdo Patrick Pelloux aj kaver manush anda kulturaki elita skirisarde pe tele pe kado zutipe aj te tordjon pala lende aj kado sas publikovano ande gazeta Le Monde. Kodo von kerde te shaj agorijpe kado rasimo so sas karink o Cirkus Romanes pala milaj.

Pasha kado but mansush daran te zan aj te diken lenge exebitci pala atentatora so sas ando parizo.

O skiritori Jean Pierre Dacheux daral ke e extemistora shaj malaven aj keren nasulimata po Cirkuso. Pala e atentatora so sas chi hal len bajo katar san.

Maj dur penel o Jean ke vi e rom aj muslimanora shaj peren ande lenge nasulimata len chi hal bajo kon san.

Ande peski maj nevi kevja so bushol "kasave dzelora so penelpe pa rom" skirij o Jean ke ando Frantzoso nas lino e Europarådets detcizia pa chiba minoritetonge aj kado marel chores karingk e rom aj e romani chip. Majdur penel o Jean ke o cherotno ministro Manuel Valls butivar vorbij pa rom zungales aj rom butivar si avri dine anda tem ke rom si.

O Jean Pierre penel ke sa kado del e rasiston but zor aj e rom atcarenpe ande bari dar aj daran.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".