Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

Kontroli pe lyla katar adjes mashkar o Danmark aj Shvedo

Publicime måndag 4 januari 2016 kl 09.30
Nevo pravo granjicengo mashkar o Shvedo aj Danmark
(4:41 min)
Foto: Jens Dresling/TT
Foto: Jens Dresling/TT

Adjes 4 januari avilas o nevo pravo katar adjes musaj savori so resen ando Shvedo katar o Danmarko te sikaven jek lyl so si aktualno.

Kado si kerdo po 160 000 azylantora avile ando Shvedo o bersh so sas.

O regeringo kerdas kado konsekvenso ke kana aven kitci but manush jokvarsa kerel kado ke hasajvel e sekurita ando tem. O migrationsverket penel ke feri 20 procentora anda kadal so mangle azylo tela o bersh 2015 sas len lyla.

Kadal kontrolora si te aven inkerde tela 6 chion aj sar majbut 3 bersh.

O kontrolo kadalenge so si te traden po geshi si te avel ando Kastrup/Copenhagen Airport aj si te avel kerdo katar o DSB. Sa e lyla si te aven dokumentovane..

Sa so traden autobuso si te sikaven peske lyla kan zan andre ando buso pe Danitcko rik. Kado si kaj o Swebuss, Nettbuss aj Gråhundbus.

Te na kerena kontroli e trasportorora musaj avela lenge te potcinen strafo pe 50 000 kr.

Opral 30 000 ezera manush si te aven kontrolovane sako dzes.

O SJ chi mekel peske gesha ando Kopenhaga pe naj sar te keren kontroli pe manush so tranden mashkar e tema.

E gesha so zanas mashkar Malmö aj Köpenhamn zanas sako 10 minuti akanak zana sako 20 minuti, o skåne trafiken penel ke kadal kontroli kerena ke e manush avena 30 - 50 minutci majpalal.

E Christina Rasmussen so kerel butci pe Danmarks radio tradas e anglone geshesa so gelas pala parojipe e pravosko aj voj penel ke sa gelas patcasa.

Majdur e Christina penel ke nas nashutne po drom ando Shvedo pe anglono geshi aj konik nas ashado ando Danmarko.

Christina Rasmussen penel ke na pukim o baro trafiko lel pe ditcona e efektora katar kadal lylenge kontrolora.

E Danitcko gesheski firma DSB pendas ke avena problemora e trafikosa kana e mansush so tranden mashkar paruvena e gesha ando Kastrup. But manush so keren butci aj traden mashkar e tema daran ke avela len problemo kana ande butci vaj kere si te traden.

E Märta Stenevi so si Miljöpartist ande region Skåne penel ke kado so si kerdo si bari katastofa sar kerde kadale neve pravosa, majdur e Märta penel ke kado shaj pagrel e butcako marketo so si ando regiono mashkar o Skåne aj Danmark. Ande kado regiono si 4 miljonora manush so keren butci 8 bare shkoli si. Kate si duj bare forora so keren butci ketane aj te shol pe jek baro muro mashkar kadal forora, tema shaj kado kerel ke romujpe e butci e marketo firmengo so barol kate anda kado muro. Akanak chi avena neve butca aj amen ando Skåne trobuj neve butca na murura mashkar amende. Kado pendas e Märta Stenevi katar Miljöpartiet.

E Anna Johansson so si infrastrukturminister penel ke kado nevo pravo si shuto te shaj marel pe tele kitci nashutne aven ando Shvedo kado si o gindo kadalesa. Po agor e bershesko so sas akanak avile zurales but nashutne amende aj ame chi dasas amenge rada kadalesa anda kado musaj kade te keras. Kado penda e Anna Johansson infrastrukturminister.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".