Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Chi atcarelpe mishto e neve ID regulura

Publicime tisdag 5 januari 2016 kl 11.13
Chi atcaren e neve regulura pa ID kontrolora
(4:56 min)
Id-kontroll på Köpenhamns flygplats Kastrup. Foto: Johan Nilsson/TT
Id-kontroll på Köpenhamns flygplats Kastrup. Foto: Johan Nilsson/TT

E Christel Grip so kerel butci po Swebuss penel ke kadal so keren e kontroli lylengo naj len experienso ande kadal butca aj kado shaj kerel ke e sekurita chi avela lashi kanikaske.

O Swebuss si jek anda kadal firmi transportove so si te kerel kontroli jegzene pe lyla katar lenge chaferora.

E policia akanas das avri sar e frimi transportove si te keren kada kontroli lylengo aj che responsibilitacia e firmen si. Ande policiake direktci skirij ke e legitimacia nashtik avel za lotko, si te avel jek patreto aj intrego anav.

Kadal direktci naj lashe penel e Christel Grip aj voj daral ke avena but chorimata kerde.


me kamlemas te avel len varisoski edukatcia te shaj keren kadal kontroli pe lenge lyla. Tela kadi skorto vrama nashtik kerdam chi soski edukatcia. Kado pendas e Christel Grip

E kontroli pe kadal so traden e Swebuss si kerde katar e firma Eurolines ale vi e Swebuss chaforora keren kadal kontroli. Po pushipe chi somalitcka pashportora zan penel o Swebuss ke von pindzaren sa pashportora, vi te penel o migrationsverket ke somalitcka pashportora naj pindzarde te si kerde angla o bersh 1991.

O pushipe chi o problemo si majbaro kadalenge kas si jek lyl ale sajek naj meklo te tradel po buso. E Christel penel ke kado ke o zanglipe kaj e busenge chaforora si za chino te zanen che lila si aj pe che chip von si skirime.

Aj sajek musaj e firmi transportove te potcinen strafo pe 50 000 kr te mekle varikas andre chore lylesa.

O pushipe kaj o Swebuss si chi von chi mekena manushen kana von chi zanena sar si e lylentca.

Ja kado avela o konsekvenso kadalesa, e manush so kamen te traden peren mashkar e skamina aj e chaferora chi kamen te len chansa te na zanen 100 procentora sar si. Pendas e Christel Grip katar o Swebuss.

Vi kaver firmi so o Ekot vorbisardas lentca penen ke regulura si pare. E Svenska Securitas penen ke von chi line butca peste aj pende na anda regulura ke naj dokladne.

O Björn Ericsson si branshovo experto kaj e Almega aj vof penel e e firmi sekuritake musaj te keren edukatcia aj te sitcon maj but te shaj inkren kadal kontroli lylengo pe granjici.


Kadal si neve lyla bute manushenge pe chiba kon shoha chi diklas, kado shaj kerel ke nakena mansush hohavne lylentca aj kadi responsibilitacia chi kamas te shuvas pe sekuritake firmi pukim chi lam kadi edukatcia so trobuj te shaj keras kadi butci mishto. kado pendas o Björn Ericsson.

E Christel Grip katar o Swebuss si zurales kriticno pe e detcizia katar o regeringo.

Ame gindosaras ke kadi detcizia avilas sa sigo, e regulura naj vorta aj kado so von pende ame te keras naj amenge dosta. Sy zurales but so shaj avilov kerdo majfeder. Kado pendas e Christel Grip katar Swebuss.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".