Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Vinternatt 2 zutij mangitoren katar o shill

Publicime torsdag 7 januari 2016 kl 12.45
Vinternatt 2
(5:11 min)
Magnus Helmner, samordnare hos Stockholm stad. Foto: Cecilia Ingvarsson/SR.
Magnus Helmner, samordnare hos Stockholm stad. Foto: Cecilia Ingvarsson/SR.

Dujto bersh aba djal e projekta Vinternatt 2 vaj Jivendeski rat 2, kaj pe rachate zutij romane EU-migranton kaj naj le kaj te soven jivende. 

O Vinternatt 2 si jek progresso katar e angluni projekta Vinternatt kaj las pe ando 2012-bersh.

Kado si jek alternativa karing o Vinternatt kana si shudre vrami thaj trobuj manushen extra thana kaj te tacharen pe, phenel o sherutno ande projekta o Magnus Helmner anda idélno organizacia Ny Gemenskap.

- E dujengi sikhavel kodo ke kadi si jek alternativa kaj e normalno Vinternatt. Vinternatt si härbärgen vaj sojimaske thana kaj o Stadsmissionen, Frälsningsarmén thaj e Filadelfia rhoden ekonomicno supporto katar o Stockholms stad te kheren peski buchi. Ferik ke ande dujegi rhodas alternativno soluciji thaj kheras buchi volentarnie thaj das kodo so birisaras sar exemplo den unji khangera avri peske lokalura, phenel o Magnus Helmner.

E diferencia mashkar e duj projekti Vinternatt thaj Vinternatt 2 si ke e dujengi del le EU-citizenton ferik jek than te tacharen thaj te pehenin thela rat kana si zurales hudre vrami avral thaj te han thaj te pen vareso letko.

O Magnus Helmner sherutno ande projekta phenel, ke vov las sama ke jiva si but projekti kherde karing manush kaj naj le kher vaj kaj te soven pharesij te arakhes thana vorta e specificno gruppake le Ei-migrantura. Vov phenel ke kana o manush si hemlös vaj bi kheresko znachij but anda e situacia kaj shaj soves katar aves. Sar jek citizento ande jek kaver thme naj tu prava kaj e foroske sojimaske thana ferik kaj specialni thana.

Le manush kaj si citizentura ande Europaki unia thaj aven anda thema sar Bulgaria thaj Romunia zurales but anda lende rom shaj traden krujal ande Europa, ferik ke trobuj le majdur but socialno zutipe sar habe, kaj te soven thaj kothe butivar arakhen limito kaj shaj djan.

Thaj anda kado las o paluno bersh o Stockholms stad kontakto le Magnus Helmnerosa te kezdin e projekta Vinternatt 2.

- O paluno bersh kezdisajlas o Vinternatt 2 kusa kaj manush cirka 1 600 razura sute ande khangera kusa zutipe volonterondar kaj line zutipe katar o Lolo Trushul kaj engazulisardas lengi buchi. Kado bersh djal majdur kado ande but khangera, ferik ke kado bersh lel o Vinternatt 2 vi e responsibilita pe extra shudre racha, kaj unji khangera kusa Islamic Relief tordzon preperovani te zutin kana trobuj kadale manushen varekaj djan, phenel o Magnus Helmner.

Arachi o 4 januari 2016 phuterdas o Vinternatt 2 avri angluno razo 100 majbut thana ande Filadelfia khangeri. Thaj vi adjes pe rachate anda e shudri vrama si phuterdo kodolenge kaj kamen te aven andre katar o shill te tachon thaj te han vareso, thaj kadi informacia kamen te ulaven kodolenge kaj so trobuj, phenel o Magnus Helmner majdur.

- Kadi rat phutras avri 100 extra thana ande Filadelfia khanageri. Thaj ame ulavas kadi informacia majdur le zutimasa katar e Socialtjänstens buchara, e Filadelfiake buchara, thaj kadalesa si amari nadzea te del avri kadi informacia kodolenge kaj trobuj.

E projekta si jek buchi khetanes mashkar o Stockholms stad, Röda Korset vaj o Lolo Trushul thaj but diferetni khangera ando Stockholmo. Ferik ke o majoriteto anda buchi kherdi karing le EU-citizentura si kherdi volentarnie.

O Magnus Helmner majdur.

- Ande le kaver projekti sar e Vinternatt 2 kheren buchi idéalnie. Volenterura thaj khangera kheren buchi khetanes thaj privatnie den ando budgeto, thaj kamen te den e goston kodo so birin, phenel o sherutno pe projekta Vinternatt 2 o Magnus Helmner anda organizacia Ny Gemenskap.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".