Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Sostar inkrelpe o djes "Le trin kraja?

Publicime tisdag 5 januari 2016 kl 15.20
"Jek lungo thaj phurani tradicia"
(4:09 min)
Le trin kraja
Le trin kraja tehara o 6 januari

Akanak tetradzine si e trin kraja vaj shvediska o trettondedag jul - jek lolo djes ando kalendari thaj volno anda buchi buthe manushenge.

Jek rhodipe kherdo katar o Sifo manglo katar e Shvedisko Khangeri sikhavel ke 80-procenti djanen sostar inkras o krechuno, ferik ke sostar inkras le trin kraja vaj o trettondedag jul chachimasa?

E Magdalena Fredman si präst vaj rashajni ande Shvedisko Khangeri ando Gamla Uppsala församling thaj phenel kade.

- Kado si jek dosta lungo historia. Kado sas celebrovano thaj vazdino lungo vrama thaj anda diferetni atvetura. Vorta adjes vazdas kado djes ke le trin kraja arakle e cherhaj. Dikhle e cerhaj po cheri thaj dine pe gindo ke jek kraj arakhadzilas. Von ghele kaj o Herodes kaj sas kraj thaj dine pe gindo ke o nevo kraj si kaj o kraj. Ferik ke vov chi djanelas kanchi, phendas kathe naj chi sosko kraj, thaj pushlas katar peski advisora, djanen tume vareso pa kado? Thaj von phende ke jo pala skirimata si te arakhadzol jek kraj ando Betlehem, phenel e E Magdalena Fredman rashajni ande Shvedisko Khangeri.

Le trin kraja vaj godjaver murce si vazdine ando Matteusevangeliet ande biblia, ferik ke chi skirjpe chachimasa sode djene sas. Automaticnie gindosarde manush te trin sas anda kode ke trin padarkura sas dine le Jesusoske kana arakhadzilas, sumnakaj, rökelse, vaj jek thuv shukara sagasa, thaj mirra, phenel e Magdalena Fredman.

- Ghele ando Betlehem kaj dine e Jesusos le trin padarkura, ferik ke chi ghele palpale kaj o Herodes ke dikle ande jek suno ke kamlas te mudarel e Jesusos ke chi kamelas te hasarel peski zor, phenel e Magdalena Fredman.

Jek teoria si ke le trin kraja representulin le lumake naciji, kaj pa kodi vrama djanelas pa lende. Trin lumake kotora, anda kode butivar si sikahde ke anda diferetni kulturi aven le trin murce.

Ferik ke jiva si kade but historiji thaj kulturi phangle kaj kado djes thaj evento, phenel e Magdalena Fredman ke naj varesoske tradiciji phangle kaj le trin kraja vaj o trettondedag jul adjes ando Shvedo vareso so pharudzilas vramasa.

- Na adjes. Varekana khernas e manush sar cine teatrura. Djanas kaj diferetni bavorura thaj sikhavenas kadi historia thaj mangenas love, ferik ke but sas huliganura thaj kado nas kade popularno thaj nas slobodo pala kode. Ferik ke katar avel e tradicia pe stjärngossar ande Lucia, phenel e Magdalena Fredman rashajni ande Shvedisko Khangeri ando Gamla Uppsala församling.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".