Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

O EU kommisionen kerdas jek kidipe anda ID kontroli

Publicime torsdag 7 januari 2016 kl 12.52
EU kommisionen kerdas jek kidipe po Shvedo
(4:03 min)
Foto: AP
Foto: AP

Pala e deciziji katar o Shvedo aj Danimarko kaj kerde e ID kontroli o EU kommisionen maladzilas.

E representantonca katar Danimarko aj Shvedo ande Germania Ando Bryssel. Aj e kommisionen majdur kerel investigaza pe e Shvedoski detcizia pa ID kontroli mashkar o Shvedo aj Danimarko. O Migrations aj justitie ministro Morgan Johansson penel sar vof atcardas kado maladzipe.


Pala kado maladzipe so sas mashkar o Shvedo aj e EU kommisionen o Migrationsministro aj justitieministro Morgan Johansson pendas ke kado maladzipe sikavelas jek atcaripe kaj o Shvedo pa kadi detcizia so o Shvedo las karink e ID kontrolora aj kado atcaripe si na feri katar e EU kommisionen kado si vi katar intrego Europa.

E EU kommisionen akardas kaj kado maladzipe pala e Danmarkoski detcizia ke vi von si te shon kontroli pe granjici karing e Germania e luja so sas.

O EU kommisionero Dimitris Avramopoulos pendas ke pala kado maladzipe von dogovorisajle ke si te inkren kado po jek minimum aj o Shvedo shaj lel strafo anda kadi detcizia., aj palakado sar maj sigo te shaj zal pe palpale sar kaj sas angla kadi detcizia.

O migrations ministro Morgan Johansson atcardas kado maladzipe sar jek gindo katar e EU kommisionen te bishavel jek signalo kaj e kaver tema ando EU so kam kamenas vi von te shon granjici mashkar peste aj kaver EU tema bi pravosko.

E EU kommisionen akanak keren jek investigazia po Shvedo anda e Shvedoski detcizia te keren e ID kontroli mashkar o Danimarko aj o Shvedoske granjici. Ale o Morgan Johansson chi daral pa kado ke von keren jek investigazia po Shvedo aj penel kade.

Majdur penel o Morgan Johansson ke vof chi dikel chi soski dramtika ande kadi investigazia. Von kade keren mingig kana si pravoske parojimata so shaj mishkin vaj paruven e puterde granjici so si ando EU. Kado pendas o Morgan Johansson

O danmarko akanak feri kerel stickprovskontroller chi diken savoren so naken e granjica mashkar o Danmark aj e Germania ale e Danimarkosko regeringo pendas butivar ke shaj vi von kerena sar kaj si ando Shvedo ke avela e firmi so keren e transportora manushentca ke kado avela lengo responsibilita sar kaj si ando Shvedo.

Inke si za sigo te penen che efekto e Shveditcka ID kontrolora kerde te zanas sar si e nashutnentca chi avena majcera ando Shvedo pala kadal ID kontrolora so si kerde. O Morgan Johansson penel ke von chi kamen te len tele kadi detcizia pa ID kontrolora za sigo.


Majdur penel o Morgan ke musaj te dikas shion pala shion te shaj zanas sar kado mezij. Me chi kamav te avas ande jek situatcia kaj ame las tele e kontrolora ando Shvedo aj pala jek vaj duj kurke te avel amen pale jek situatca kaj avena 10 000 zi 15000 ezera nashutne sako kurko ando Shvedo pale. Kado pendas o Migrations aj Justitieministro Morgan Johansson.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".