Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

E policia garudas sexualne trakaseriji po festivalo

Publicime måndag 11 januari 2016 kl 11.36
E policia garudas sexualne nasulimata po festivalo
(3:33 min)
We Are Sthlm. Foto: Emma Svensson/We Are Sthlm
We Are Sthlm. Foto: Emma Svensson/We Are Sthlm

Ando Stockholmo si ofestivalo We are Stockholm" sas kerde sexualne trakaseriji pe terne zuvljora.

Tela duj bersh e policia chi vazdelas kadi problematika vi te sas ke but zuvlia dine opre kado kaj e policia sar sexualne trakaseriji.

Akanak pala e insedentora so sas ando Njamco Köln ke but zuvlia sas terrorisovane sexualnje line vi zuvlja ando Shvedo te purin so kerelpe.

O Varg Gyllander so si e policako mediatori ando Stockholm penel ke na e policaki butci sas chori.

E policia zanelas zurales mishto ke kado sas, av vi kerdas e polica sar me atcardem jek dosta bari butci kote po tan. Bute zenen avri shude katar o festivalo anda trakaserji karink zuvlia.

O problemo naj e butci so e policia kerdas o problemo si ke ame chi pendam kanikaske ke kado kerdam kado pendas o Varg Gyllander so si cherotno mediatori kaj e policia ando Stockholm.

E policia ando Stockhom pendas ke o kurko festivalosko We Are Stockholm ando augusti kade ke chera kriminalne butca sas aj chera zenen lam ando aresto. Aj kado si ginado pala kitci zene sas po festivalo..
Ale e raportora so si kaj e policia aj o DN diklas sikavel jek kaver patreto. Gangora murshentca sas nasul terne zuvlnange.

Opral 10 zene dine kado opre kaj e policia ke sas sexualne trakaserji. E policia pindzardas 50 murshen so sas suspektovane aj tela kadal 5 djes e festivalosko opral 200 terne mursh sas avri shude katar o festivalo.

E arangerora festivalosko penen kaj o DN ke sas problemora kadalesa pe festivalo ale katar o bersh 2014 sas gangi murshentca so kado kerenas karink terne zuvlja.

E policia skirisardas ande peske raportora ke terne mursh zumaven te azban terne zuvljan pe zor.
Kadal raportora sas bishade kaj e cherotne policake ale kanci chi avelas avri kaj e media.

O Varg katar e polica penel ke vof si kriticno pe kado so sas.

Majdur penel o Varg Gyllander von trobujas te den avri komentarora pa kado, trobujas te penen so kerelpe . Von chi zanen sostar von chi pende kanci chi zanen sostar kade gelas avri.

O Peter Ågren so si e policako kommenderingschef po festivalo penel kaj o DN ke kadale murshengo etnisiteto ke von sas anda kaver tema shaj sas sostar von kantci chi pende oficialnje.

Voj majdur penel ke unjivar daras te penas sar si te na zas ande Sverigedemokratenge vas. Kado pendas o Peter Ågren kaj e DN.

Akanak e polica del peski vorba ke si te zanen avri so sas.

O Varg penel ke normalne e policia penel kana si variso vaj variso kerelpe. Sostar kade si vof chi zanel ale e policia si te kerel jek investigazia te shaj zanas avri sostar kade si. Kado pendas o Varg Gyllander.

O Rikspolischerotno penel ke vof sakofalo si te kerel te shaj kadi investegazia sikavel sostar kado kade sas.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".