Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Nationalno

E defencia Shvedoski zurarelpe

Publicime torsdag 14 januari 2016 kl 10.21
E defencia ando Shvedo zurarelpe
(6:34 min)
Foto: Lars Pehrson/TT.
Foto: Lars Pehrson/TT.

Angluno razo de sar o kalla kriget vaj o shudro maripe, lel e shvedisko defencia maj but love katar o them.

Akana vasdas vi o allianso pesko glaso oud te zuraren e defensia inke maj but te shaj inkerdjol e shvedisko defensia zurali, ke le problemora ande Russia daraven le defensiake ministros Peter Hultqvist.

Chi zanelpe so e Rusia shaj kerel, lentca konik chi zanel. E Rusia shol ketanen te shaj keren peski politika. E Rusia chi inkrel manushikane principora aj keren sar kamen. Kado musaj te las karink amende. Kado si jek anda maj inportantne dzelora sostar ame musaj te inkras aj te las te gindosaras pa e Shvedoski defencia. Kado pendas o defenciako ministro Peter Hultqvist

Kado sas angla milaaj kaj o regeringo ketane e Aliansosa kerde jek agoziacia te zan majbut love kaj e defencia tela e bersh 2016 zi 2020. Ale kado sas majcera sar o cherotno ketanengo o Sverker Göransson manglas. Ale sa po sa sas dine 17 miljardora tela 5 bersh.

Kado si jek baro parojipe ande kado trendo, 20 bersh sas love cirde katar e defencia. Vi o fokuso e defenciako si parodo. Kado penel o Peter Hultqvist majdur.

Akanak parovas o fokuso katar internationalno kaj o nationalno defencia. Chi las tele internationalne zutimata ketanenge ale akanak e defencia si te avel ando Shvedo.

Pala o maripe ande Ukraina kaj e Rusia las o Krimo ando bersh 2014 parodzilas e defenciaki mapa ando Shvedo. Jokvarsa e dar vi sas amende ande Europa.

Te zal e Rusia po maripe pe balticne tema, kado cirdov e Shvedos andre ando kasavo konflikto. Ale vi si kaver darajimata kado penel o Johan Wiktorin so si membro ande Kungliga Krigsvetenskapsakademin aj experto pe defencia.

Kado shaj avel socialno dar, cyber atakora, hohajimata pe informacia aj kaver hohajimata. Vi shaj aven militarne operacia. Sako falo shaj avel. Naj ke avena 50 000 ezera ketani, shaj avel ke kamen feri cino tan anda Shvedo.

Kadi vrama kaj konik chi zanel kanci aj dar si kerdas ke e Anna Kindberg batra manglas e cherotnen katar e defencia aj kaj sa e parti katar e riksdag si representovane te shaj sako 5 bersh keren neve deciziji defenciake.

O Mikael Oscarsson so si e Kristendemokratengo defenciako vorbitori penel ke but kerdaspe e bersh so sas aj trobuj neve analysora te aven kerde intrego chaso.

Me gindoj ke musaj sar maj sigo te keras jek nevo defenciako analyso, aj kado si te avel sar te zuraras e defencia amare temeske. Kado pendas o Mikael Oscarsson.

Pe lungo vrama o Mikael Oscarsson aj e Kristendemokratora kamen e love defenciake te zan opre 1,5 procentora anda BNP. Adjes si 1 procento.

E Liberalora so nas ande kadi Agosiacia anda kado ke von kamenas inke maj but love te zan kaj e defencia. Liberalorango defenciako vorbitori Allan Widman kado penel.

Ame penas ke e Shvedosko love kaj e defencia musaj te avel karink 2 procentora anda BNP aj kado si po duvareste sar adjes.

Jek baro problemo si ke naj dosta ketani , e defencia chi das rada te rekrutulin kitci so trobuj. Akanak si jek invetigazia chi o Shvedo si le lel palpale kado ke savori si te zan ande ketania sar kaj sas. Sa e parti si positivne pe kado.

Kado sas o bersh 2009 kana e parti e Aliansoske tele line ke savori musaj te zan ande ketania, aj akak e Liberalongo o Allan Wideman kamel kado te avel palpale.

Ame zumadam te avel jek ketania so si frivillig tela 6 bersh. Inkerdam kadi cini ketania manushentca zi po dopash feri. Ale amen trobuj po duvareste maj majbut ketani aj kade nashtik avel. Sar kaj dikas kado frivillighet chi pirel amenge aj o logicno gindo si te zas palpale sar kaj sas.

E investigazia avela gata pala milaj.

Vi e Vänsterpartiet so mindig sas naprociv profersonalno defencia penel ke vi von kamen te avel sar kaj sas. O Stig Henriksson so si vänsterpartiets defenciako vorbitori penel ke o debato defenciako si sa vorto aj feri pe militane butca.

Ame gindosaras ke o debato si sa sano, e politika defenciako si but maj but. Kado si diplomatcia te shol pe droma mashkar manush aj kasave butca si bisterde ande kadi diskusia.. E militarno defencia si feri jek cino komponento e defenciake ando Shvedo. Ame lam tele sa komponentora so sas kaj e defencia ando Shvedo. Aj kado si zurale chores. Kado pendas o Stig Henriksson defenciako vorbitori kaj o Vänster partiet.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".