Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Adjes o debatto mashkar e partiake sherutne

Publicime onsdag 13 januari 2016 kl 09.59
Fokuso po nasolipe karing djuvla.
(5:27 min)
Foto: Ekot
Foto: Ekot

Kana e partienge sherutne maladzon adjes ande bershesko anglune debatto ando riksdagen kerdzilas but desar lengo paluno khidipe.

Sas pharude gindura thaj tahan ande shvedisko debattosko maj kontroversialno subjekto, pa immigrantura.

Kana e partienge sherutne maladzile ando oktober shon o paluno bersh sas o Shvedo majdur jek them kaj phuterde vastensa lelas andre asylanton. Le Sverigedemokraterna sas e jek partia kaj inkrenas pe sar e oppozicia karing e immigrantoski politika kaj lelas supporto katar 7 partiji.

Ferik ke adjes si pharudi e situcia desar o regeringo akanak identifikaciake kontroli po podo Öresundsbron mashkar o Danmarko thaj o Shvedo tena birirn azylantura bi idenfikaciako te den pherdal ando them.

But anda disskusi ande kade bershesko partiledardebatt sas pa integratsia, sexuella trakaserier, buchako- thaj kherengo marknado.

Le themesko ministro Stefan Löfven kezdisardas ando partiledardebatt te vasdel opre o problemo pa sexualni trakaserier.

-sakona shjako, sakona djuvlako stato si lako vlasno. sheja thaj djuvla site birin te mishkin pe avral pe rachate bi darako ke varikon shaj dokavel le, te avla violencia kerdi site zutij o them le dokades, thaj le doshale te len strafo, pendas o Stefan Löfven.

E sherutni anda Moderater e Anna Kindberg Batra das varningo ke kadi situasia kerel e policiaki buchi si kerdi pe politishni grundora, thaj ke kado nashtik avel acceptovano.

O Löfven vi pendas ke o them trodjol stabilnje ando 2016 bersh feri vasdas opre sar inke shaj paroven but ande edjukatsia thaj le kherengi situasia, thaj manglas vi le kaver te len partepizatsia ande vorba te keren avtal la oppositsiasa.

E Kindberg Batra sas angluni te vorbij thaj vasdas opre e ekonomishno situasia thaj e migratsiako pushipe. Thaj pushlas sostar o regeringo pandavel peske jaka karing e shvedoski integratsia, thaj vasdas amj dur opre vi e vorba pa regeringoski ekonomishno politika.

Che chachij e regeringoski ekonomishno politik. Anglunes penenas ke o shvedo si shuhardo ekonomishnje thaj ke akana djal sakade mishto sar jekh nevi tesla, thaj palakodo pendas o finansministro ke trubon intregi reformora te finansulin pe sako jekh korona, thaj akana pale chi kamen fiansovo politika, pendas e Anna Kindberg Batra.

Ande peski vorba pendas o Sverigedemokratongo sherutno Jimmie Åkesson ke o Hösten ando 2015 bersh sas jekh anda le shvedoski maj shemno perioda ande historia.

-Thaj ke o pushipe te paroven le permamentni pobitora pe temporarni site aven opre vasde.

Vi o Åkesson vasdas opre e vorba pa nasolipe kaj sas kherdo karing le djuvla ando Köln thaj Stockholm


Kado si jekh nevo fenomeno ande amari luma - moro gindo si ke e kultura but znatchij, pendas o Jimmie Åkesson.

Maj angle ando partiledardebbato las e Åsa Romson anda Milijöpartia kritika katar o Jonas Sjöstedt anda Västerparti pa politika asylantonigi thaj das varningo ke le kontroli pe identefikasiji dena domino effekto , aj pushlas chi voj dikel resultato katar le kaver thema de sar si le identefikasiake kontrolli.

Thaj e Romson pendas ke von kado kherde pala situasia kaj pelas avri, thaj ke sigo lena tele kado.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".