Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
Internationalno

Kritika aj reaktci karink e Polska

Publicime onsdag 13 januari 2016 kl 10.57
Reaktci pe Polska kaj parodas pravo pe public service
(4:33 min)
Foto: Marcin Przasnek
Foto: Marcin Przasnek

Akanak shundjon glasora so reaglulin pe e Polskake neve mediake pravora.Adjes si te maladzon ande EU kommisionen te len kado pushipe opre.

Kado si ke ande Polska e nationalkonservativno Partia aj Pravo aj Chachipe shutas neve regulura te inkrel o publik service majzurales. E Birgitta Ohlsson katar Liberalerna penel kade.

Me patcav zurales but ande Polska sar membro ando EU aj anda kado shoha chi patcajemas ke lengo regeringo traden sigo aj vulgarno karingk jek nationalisticno aj populitcno gropa. Kado si jek Orbaniserin anda Polska, von sa kade keren ar o Viktor Orban kerdas ando Ungro de 5 Bersh kadaleske. Line te bolden tele e demokracia aj e mediako patcape. Kado pendas e Birgitta Olsson so si Utrikespolitiska person katar e Liberalerna adjes kaj o P1 morgon.

E EU parlametariker katar e Socialdemokraterna Anna Hedh penel pe kado so kerdas pe ande Polska ke kado si zurales chores. Kado si jek domokraticno regeringo, e Polakora chak kemenas te aven andre ando EU. Pendas e Anna Hedh.

Kana san adre si te inkres tut pala e pravora so si ande EU. Tele skiresarde pe pravora krisake aj kaver pravora. Akanak von na feri romun o Public servic vi e manushikane pravonge chachimata pagren. Kado si variso so o EU musaj te vazdel. Kado pendas e Anna Hedh.

E opozitcia ando tem kerel protestora aj ando EU shundzon glasora o EU te vazdel o artiklo 7 so sas lino ando Lissabon. Kado si ke o EU shaj lel o glaso katar jek tem. Kado shoha nas kerdo.

E Birgitta Ohlsson penel ke o regeringo ande Polska daral pa pesko internationalno patcape majdur von penel ke vi ekonomicne darajimata shaj aven.

Nashtig avel bisterdo ke e Polska si jek tem kaj o EU si te lel 640 miljardora koroni tela lungo vrama. Aj sajek e Polska chi dikel manushikane chachimata aj chi kamel te lel nashutnen.

13 jan e EU komisia si te vorbij pa e situatcia so si ande Polska. E Europa reagulin ale ando Shvedo kantci chi shundzilas. Kado penel o Peter Wolodarski katar DN.

E riksdagsledamot katar Liberalerna Birgitta Olsson vi voj chi atcarel sostar e Margot Walström vaj o Stefan Löfven chi pende kantci.


Savori zanen ke ame ando Alianso marasas amen che zurale si te avas, vi te si o Bildt slabo chi kerel kado ke e Wallström si te avel bi vorbako. Me zukarav majbut aj majzurali kritika po Ungro aj pe Polska. Kado pendas e Birgitta Olsson.

E Anna Hedh penel ke o cherotno o Löfven si te vazdel kado pushipe.

Trin public service cherotne skirisarde kaj o DN debatt aj pende ke e kurke so sas von dikle bara darasa sar e Polska zurales sigo bi gindosko shute jek pravo te shaj len tele kas kamen ande Public service firmi.

Kado si bari mila ke e Polska boldas palpale e vrama aj konik chi das pe gindo ke kade shaj keren. Kado skirin e cherotne katar e Shvedoske public service. Von majdur penen ke o regeringo ande Polska te lel tele kado nevo pravo so si naprociv chachimata pricipialne kaj e medji.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".