Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Unikato krisi - zor pe shavora pa internet

Publicime torsdag 14 januari 2016 kl 09.12
Shaj avel zor vi tena maladzilas le shavorensa
(1:55 min)
Shavora dikhen pe peske telefonura, o patreto naj phanglo kaj e krisi.  Foto: Fredrik Sandberg/TT.
Shavora dikhen pe peske telefonura, o patreto naj phanglo kaj e krisi. Foto: Fredrik Sandberg/TT.

Adjes kezdijpe jek bari krisi ando Attunda tingsrätt ande Sollentuna norr pasha Stockholmo kaj si pa zor thaj chorri sexualno hasna karing shela djuvlora.

Kado fallo si jek unikato ke kado si angluno ke jek krisi site den verdicto pe zor karing jek shavoro kaj sas kherdino pa internet.

Thaj e shela djuvlora si zurales terne, e maj terne offiari si ferik 5-bershenge.

O kammaråklagare vaj o prokurori o Tomas Mattson inkherdas e investigacia ando Norrorts åklagarkammare.

- Kado fallo si pa shela terne djuvlora mashkar e panche dji kaj e 14-bershenge kaj sas hasnime jekhe murcestar pa internet pa jek applikacia kaj bushol KIK. Kothe kherdas vov sexualni trakaseriji pe lende thaj manglas le te posulin sexualnie thaj te bishaven le patretura leske, phenel o Tomas Mattsson.

O murce naj angla kodo strafovano thaj si vorta opral e 20-bershengo. Ando kontakto le shavorensa hohadas vov peske bersh pala lende. O murce confessulisardas but anda so kherdas, ferik ke chi inkrel kusa e rubrikacia, zor karing shavora.

O Kammaråklagare Tomas Mattsson, phenel ke vov alosardas te del opre le murces pe zor karing shavora vi te maladzilas lensa anda kode ke manglas le te kheren sexualni bucha pe peste, thaj atunchi shaj avla convictovano pe zor.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".