Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Det brinner i Kronåsens industriområde med kraftig rökutveckling som följd.
(Publicerat idag kl 15.48)
Nyheter och program på romani

EU migrantora shaj mangen shkola peske chavorenge

Publicime fredag 1 april 2016 kl 11.30
Shaj mangen shkola peske chavorenge
(4:16 min)
Mona Lisa
1 av 2
Foto: Egen
Chavora
2 av 2
Foto: Egen

Jek detcizia katar o skolinpektionen del e citizon katar EU maj but pravora.


Kadal EU migrantora so si maj but vrama sar trin shion ando Shvedo aj si bi butcako, te si lentca lenge chavora von shaj pala pravo mangen shkola peske chavorenge so lentca si. Ame po radio romano pushlam katar e Mona-Lisa so kerel butci sar sitcarnji ande jek romani shkola ando Göteborg sostar kado si inportantno aj so voj gindoj pa kado.


E Mona-Lisa Pruteanu so kerel butci romane chavorentca ande Göteborgs räddningsmission penel ke e rom so aven kate aj vi kadal so si ande peske tema te meken peske chavoren ande shkoli te sitcion, maj dur penel e Mona-Lisa ke e rom chi pirensas ande shkoli aj te kamen maj latcio trajo peske chavorenge si zurales importantno te piren e chavora ande shkoli.

Adjes si feri unji komuni ando Shvedo so den shkola e chororenge EU mignrantonge chavorenge, but komuni chi zanen sar te inkrenpen pala pravo so si aj avilas o bersh 2013. Kado pravo avilas te shaj bi lilengo nashutnenge chavora te shaj piren ande shkola. Citizentora katar kaver EU tema so si opral trin shion ando Shvedo aj so naj len butci ginadzon vi von sar bililengo ale o pushipe sas chi von si te aven andre ande kadi grupa aj chi shaj lenge chavora te piren ande Shkoli ando Shvedo.
E angloni detcizia so e skolinpektionen las karink EU citizentora aj o nevo shkolako pravo sas ando januari kado bersh. Jek familja ando komuna Olofström kaj lenge chavores nas pravo te pirel ando shkola ke lengi situatcia nas gata.

E inspektcia skirij ke te san kate opral trin shion aj naj tut butci e chavora sajek si te piren ando shkola.

Vorbisardam e cherotnasa Ulrika falk so kerel butci kaj Göteborgs räddningsmission aj inkrel jek shkola romane chavorenge katar EU migrantora te shunas so voj penel pa kadi detcizia.

E Ulrika penel ke kado si mishto ke e skolinspektionen das kadi kritika te shaj inkrel pe manushikane chachimata te shaj piren sa chavora ande shkoli, ale me chi patcav ke e shkoli ande Shvedoske komuni inkrena kado te shaj e chavora piren ande shkoli. Kade pendas e Ulrika Falk katar Göteborgs räddningsmission.

Pushlam majdur katar e Mona-Lisa Pruteanu so voj gindoj pa kadi detcizia so e shkolinspektionen das.

Voj penel ke vi e hurde cine chavoren si manushikane chachimata aj si te aven inkerde te na aven e romane chavora diferantne katar kaver chavora so si ando tem, te shaj aven vi von sar sa kaver aj te shaj sitcion. kade pendas e Mona-Lisa Pruteanu.


Po agor pendas e Mona Lisa ke maj angle sas kade ke e chavora so sas anda Rumunia ando Shvedo chi pirenas ande shkola chi kate aj chi ande Rumunia sar kaj trobujpe. Ale kadal chavora so pirde ande shkola ando Shvedo vi te sas skurto vrama line te piren majbut ande shkola ande Rumunia. Kadi detcizia na feri zutij e chavoren kate kado vi vazdel e romen avri anda choripe pe lungo vrama, edukatcia si kado so zutij majbut ande lungo vrama.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".