Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Romani people football team

Publicime måndag 4 april 2016 kl 10.45
"Pachav ke si amen chansa te njerisaras"
(4:22 min)
Romani people Football team
Rom so khelena ande Conifa khelipe 2016 Foto: Romani people Football team

Romani representacia avla kado bersh inkerdo khatar e rom anda Italia thaj o sherutno treneri si o Alessandro Aleotti anda klubo Brera FC.

Alessandro Aleotti phenel ke von roden akanak lashie khelitoren khaj e romani representacia romani people fotball team so khelela ande conifako ljumako khelipe e natcienge bi themesko.

O sherutno treneri dikhlas aba opral 40 khelitoren thaj si te dikhel maj buten zhi pun vov lel avri jekh intrego representatcia kusa 18 lashie khelitora.

Alessandro Aleotti phenel ke vov lel kado seriozno, ke kamel te vazdel e romana representatcia mishto ande Conifa khelipe, anda kodo dikhela vov te aven lashie khelitora khaj shaj vi te inkren pe mishto, vov chi kamel te tradel ande Abkhazia po turismo vov kamel te njerij thaj pachal ke len avla shansa ke len si italianitsko fotboll mentaliteto thaj kado sikadjiola ande lengo khelipe.

Kado khelipe naj kusa profesionalne khelitora, amatora musaj te aven e khelitora phenel o sherutno trenero o Alessandro Aleotti, vov phenel ke Fifa khaj si ljumaki organizatcia chi pindjaravel kado khelipe so Conifa inkrel thaj kodo kerel ke chi birin te aven e pindjarde forbalistura ande leski representatcia.

Alessandro Aleotti phenel ke vov zumavlas te lel kontakto kusa e rom ande Seria A thaj Seria B khaj si e maj uche ligi ande Italia feri ke kado chi djal legalno thaj vov phenel ke vov arakhela vi kade lashie khelitoren so shaja te njerin ke kado naj jekh ljumako khelipe kusa profesionalne khelitora.

E romani representatcia birisardov te inkrel lashie khelitoren phenel o treneri thaj phenel ke si khelitora so si ande lesko suno so linov than ande leski representatcia.

E pindjarde khelitora sar Ibrahimovic, Van der vart, Quaresma linov than feri ke kado soha chi djal, phenel o sherutno treneri o Alessandro Aleotti.

Feri vi kade rodel vov khelitoren so birina te vazden jekh baripe mashkar e romane chavora thaj ternimata ande kadi representatcia ke vov kamel te aven avri neve romane superstars.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".