Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Bare manush ande shkatoske-hohajimata

Publicime måndag 4 april 2016 kl 13.33
"Kaver regolora."
(3:43 min)
Nordea
Nordea

Avilas avri arachi sar maj bare politikora, thaj vi kaver hiresa manush, line hasna katar jekh advokatoski firma ando Panama, te garoven love.

E Panama papers ..Kade penen pe dokumentora kaj avile avri anda advokatongi firma Mossack Fonseca, kaj sikaven sar e firma zutisardas ezera barvale manushen te keren shkatosko plano thaj te garoven love tela 1975 bersh dji kaj -2015 bersh.

E njamsisko gazetta Suddeutsche Zeitung sas angluni te dikel le dokumentora, feri las zutipe katar o journalistongo-nätverk ICIJ, thaj opral 100 medi krujal ande luma hunade opre jekh-zene peske histori anda materialo.
Ande dokumentora sikadjol ke e firma keradas opral 200.000 sar kaj bushon brevlådeföretag ande jekh skatte-paradis krujal ande luma peske kundonge. O gindo kadale firmengo feri te inkren vaj te garoven love katar le myndigheter ande thema kaj si baro shkato.

Mashkar kodol kon line hasna anda Mossack Fonseca si deshu duj manush kaj si vaj sas stats-chefora, thaj vi sar o kraj anda Saudiarabien. Kaver bare politikora kaj sas ando materialo si o Islands statsministro thaj o Pakistanisko peremiärministro.
Thaj si vi manush andre kaj tordjon pashe le Russiake presidentosa o Vlademir Putin, thaj garode karing duj milijardora dollara.

Ando Chino si e familija le presendentoski Xi Jinping kaj puterde avri brevlådeföretag ande firma ando Panama. E lista pe manush si lungo, feri pharesi te odvodnjin chi von gele karing o pravo.

Vi ande loptaki -luma avilas avri kado. O Lionel Messi sas les kethane leske dadesa jekh Panama-firma kaj chi avilas avri ande jekh shkatoski vestegasia kaj aba djal karing leste ande Spania.
But pinjarde, hiresa manush kaj e advokatoski firma Mossack Fonseca zutisardas te keren shkatosko-plano sas arakle perdal internationalni bankora. Thaj kate avel avri jekh shvedisko anav kaj si ande dokumentora. O banko Nordea kaj zutisardas ande but schella brevlådeföretag barvale kundonge, kado kherdas ke e finansministerka Magdalena Andersson te kritikulij e Nordea, thaj penel ke intregi firmi kaj pheren ande kasave situasiji, trubon te gindonpe, savo voj gindoj ke e Nordea kerel akana.


O Nordeas press-chefo Magnus Nelin penel ke o banko adjes kerel buchi inachej, ke parode peske regolora de sar ando 2009 bersh, thaj ke kodole kundon kaj si kasave firmi parode thaj djan pala pravora thaj regolora kaj si tele shutine de sar o 2009 bersh.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".