Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Projekto te zutijpe tule chavoren

Publicime torsdag 7 april 2016 kl 12.48
Sitcion so te kiraven
(5:18 min)
Eget
Ivan Kuzhicov Foto: Eget

Ando Helsingborg si 5 procentora anda sa chavora so piren ande shkola za tule.

Kaj e romane chavora kado si majbaro problemo aj majbut sar 5 procentora si tule.
O förening Vorta drom anda Helsingborg puterdas jek projekto de 2 bersh kadaleske kaj 18 romane chavora si andre aj kaj e chavora si tule.
Kado projekto anglones sas sar jek pilot projekto aj akanak kado projekto si te ashel. na feri tule chavorenge kodo projekto zutij, vi kaver zutimata del chavoren aj lenge familjen.
O Ivan Kuzhicov si jek anda kadal katar o förening Vorta drom so kerdas kado projekto, shunas so vof penel.

O Ivan Kuzhicov penel ke kado projekto las pe ke bute familjen sas problemora lenge chavorentca. E chavora chi pirenas ande shkoli sar kaj trobuj pe, nas len aktivitetura aj chi hanas hälsosam habe. But anda kadal chavora sas tule aj beshenas kere feri angla komputerura aj tuljonas majbut.

Akanak ando projekto si trin grupi, jek famljegrupp, Jek matlagningsgrupp, grupa sar te kiravelpe, aj jek analysgrupp.
Kadal trin grupi zutin e romen te shaj planulin peske majfeder, te shaj kiraven majlotko te na piren te han snabbmat e chavora"sigo habe" po kado nas sastcipe aj kade tuljon e chavora. Kade pendas o Ivan Kuzhicov katar o Vorta Drom.


Ande kadi grupa chavora kasa von keren butci si 18 chavora aj kadalen von keren följa te zal sa mishto. Vi kaver chavora shaj aven adre ande kado projekto. O pushipe sas katar o Ivan chi kado zutisardas e chavoren te shutcion te hasaren o tulipe.

O Ivan penel ke but chavora shutcile, sas kadal so hasarde zi kaj 10 kg tela kadi vrama, lengi Bmi gelas tele aj kado si sashcipe. Majdur penel o Ivan ke kado si akanak lende ando region Skåne aj von sako shion diken aj mirin vazin e chavoren te diken sar lenge zal.

O Ivan penel ke kado ke hasarde vaga kerdas lenge but, vi ande shkola aj vi kere lengo skälvförtroende o gindo pa lende jekzene si majlatcio maj shukar. Kado si tromanas te keren angla kado akanak chi lazanpe te keren. Adjes e chavora si kaver dikes sar loshan ke shutcile aj vi e grupa chavorengi zurajlas ke vi kaver shaj sa kade sar von te keren.


So si inportantno si e chavora te mishkin pe te trenulin, te araken peske diferantne aktivitero, ame ande kado projekto kerdam kade ke e chavora zumade perdo sportora te shaj araken peske variso te keren variso so len chaliol. Kade penel o Ivan Kuzhicov.



Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".