Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

23 bershengo anda Rosengård astardo

Publicime måndag 11 april 2016 kl 13.00
"Chi chudij kado amen"
(2:59 min)
Patreto po Rosengård, Ranstorp thaj Bryssel.
Kado ke jekh mursh si astardo anda Rosengård chi chudij e Ranstorp.

Thaj kado ke si jekh Shvedano anda Rosengård tela teroristicne ghindura chi chudij e Magnus Ranstorp anda Försvarshögskolan.

Vov phenel ke von dine varningura ke shaja te avel kade aba ando bersh 2009 ande jekh raporto.

Magnus Ranstorp anda Försvarshögskolan phenel ke kado musaj te lel pe seriozno ke si jekh shvedano tela ghindo po terorismo.
Vov phenel ke von line sama kado de but bersh kodolestar thaj dine vi propozalura pe solutci feri ke konik chi shunelas pe lende khatar e komuna thaj o foro.

Ando raporto skrijas pe ke barol jekh radikalizatcia thaj ke but ternimata khidenas pe ande pincake moskeura khaj sas garudine.

Malmö foro phenel ke von line te keren buchi te malaven tele kadal radikalizatci thaj phenen ke von phuterde akanak vi jekh zhutimasko telefono kodolenge so mangen zhutipe.

Magnus Ranstorp phenel ke kado si mishto feri ke but bersh nakhle pala lengo raporto thaj aba atunchi sas kadal solutci so Malmö adjes kerel ande lengo propozalo pe solutci.

Ali Ibrahim si Imamo ande Rosengård thaj vov kerel buchi ande projekta khaj bushiol "öppna Skåne" - phuterdo Skåne khaj e Imamura keren jekh koperatciaki buchi a policiasa.

Vov phenel ke e Imamura khide pe 10 djes kodolestar thaj ke phende ke trobuj maj but informatcia e dadenge thaj dejange thaj te na aven e lokalura ande pinci feri ande thana te djanel pe kon khaj phirel thaj so kote kerel pe.
Thaj kodo shaj te malavel tele e radikalizatcia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".