Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

E skoli den opre po socialo

Publicime tisdag 12 april 2016 kl 14.56
Dikle ke sam pachake manush.
(4:43 min)
Lego leksaker Foto: Björn Larsson Rosvall/TT
Foto: Björn Larsson Rosvall/TT

E Christina Gustafsson si la jek chavo kaj si les e diagnosa autisim taj o rektoro pe kodi skola kaj pirel lake chavo das la opre po socialo. Ale e Christina Gustafsson penel ke kaj das la opre sas anda jek konflikto mashkar e skola taj late ke la chi chalojlas sar e skola buchazi.


- Chi zanasas de daravelas amen vaj chaches kamelas te del amen opre, pala 2 kurke vorbisarde khatar o socialo aj pende ke opre dine sam. Ale me zukaros pe kado, ke shundem vi kavere deja taj dadendar ke petcisarde sa kasavo bajo. Ale maj phares pelas mange sas so gindojas, kadi situacia sas chori, penelas e Christina Gustafsson.

Kado kerdjolpe butivar, penel e Hanna Jarvad kaj si förbundsjurist ando Autism- taj Aspergerförbundet. Ame po förbundet dikas ke kana deja taj dada den opre jeka skola pe Skolinspektionen ke chi chaljol len sar inkrel e skola lenge chavoren adunchi vi e skola del len opre po socialo.

- Kana si variso sar chi trubuj le chavoresa adunchi mishtoj ke e skoli den kodo opre, ale sar ame achares den opre e skoli po socialo te shuden pestar e dosh kana si e chavoreske phares.

Butivar chi aresen e opre dinimata katik, ale univar si kade ke len e chavores aj shon les ande jek kaver familia, taj kodo shaj dukavel jeke chavores kaj si les autism, penel e Hanna Jarvad.

Kasavo bajo kaj den opre e skoli petcisardas vi o rom o Jani anda Stockholmo.

Les dine opre ke o lesko chavoro ande skola sas nasul taj marelas pe, taj gindinas ke vov kodo kheral sicholas.

O Jany taj leski romni musaj sas te nakel testura te dikel o socialo ke von naj alkoholistora vaj narkomanura aj ke lende khere sa pachasaj taj mishsto.

Kana diklas o socialo ke naj kheral kodo ke o chavoro nasul sas, kerde adunchi po chavoro testura taj dine pe dosh sar te keren te avel sar maj feder le chavoreske taj sar maj feder sichol ande skola.



Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".