Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Policia daral katar xenofobicni gruppi

Publicime onsdag 13 april 2016 kl 15.55
Policia: Romun e demokratia
(4:26 min)
Soldiers of Odin medlemmar går i en gångtunnel
OBS:Patreto lino katar membrura ando Soldiers of Odin ando Norge. Foto: Junge, Heiko.

Högerextrema vaj xenofobicni organizaciji phiren pa vulici ando Göteborg te lishin le manushen.

E gruppa Soldiers of Odin, kerdzile so majbut krujal pe diferetni thana krujal o them.

Sar jek medborgargarde, vaj jek gruppa volentarni manush kaj len pe peste policiarni bucha sar protecia, phiren e Soldiers of Odin pa vulici, thaj pala lengop atveto, te kheren te aven le vulici maj pachake. Ferik ke e policia acharen ke von djan karing e demokratia ando them.

Thaj kade sas kana e reporterka anda P4 Göteborg e Carina Holmberg maladzilas lensa ando foro.

- Ame sam jek medborgargarde, jek volentarno gruppa manush kaj sikhadzuvas ando foeo te zutisaras, phenel jek mursh anda e gruppa Soldier of Odin.

Thaj kana e reporterka anda P4 Götebroh pushel sostar von trobuj kado te kheren?, phenel o mursh:

- Ginavel o manush ande gazeti sa o choripe kaj kherdzol, marimata, zor pe djuvla, thaj mudarimata.

Puzo pe rachate phirel e reporterka pe pindjardi vulica Avenyn ando Göteborg, thaj e vorba "medborgargarde", si o angluno atveto kaj voj lel kana po lokhes djal kaj e gruppa thaj pushel kon von si.

Jek dosta bari gruppa cirka 30 djene, phiren pa centralno Göteborg kodi rachi. Majbut djene mursh, ande kale gada, unji ande militarni kaltsi, thaj buthen jek kalo zubuno kaj o texto Soldiers of Odin Göteborg po dumo.

Thaj kusa e rolla kaj von line pe peste te kheren pacha ando foro, djan von karing e demokratica ando them, acharel e policia ando Göteborg.

- Kado si anda but atvetura problematicnie. Vi anda kodo ke pachav ke daraven manushen, thaj vi ke lenge grundura naj lashe ke si shutine pe xenofobia, thaj pala kode si kado e policiaki buchi te kheren te avel securita ando foro, na kasave initiativi, phenel o Erik Siverbo, chefo ande policiako underrättelse-departemento ando Göteborg.

E gruppa Soldiers of Odin sas startovano katar jek pindjardo nevo nazista ando Finlando thaj pala kode ghelas kado majdur krujal ando Norden. Ando Shvedo si la gruppa opral e 7 000 manush kaj si followers pe lengi Facebook-patrin kusa maj cine gruppo pe opral e 20 thana thaj e membrura sas dhikle ke patrululin ande diferetni foroske kotorora.

But anda kadal manush si le pala informacia katara e policia phanglimata kaj xenofobicni gruppi thaj si vi convictovani pe diferetni zurale kriminalitetura. Pala vorba katar o natiolno kordinatoro pe violentno extremismo, si e Soldiers of Odin jek exemplo po vazdino aktiviteto katar xenfobicni vaj högerexterma organizaciji ando them.

- Ame dikhas pe kadal initiativi thaj sas preperovani te das andre te avla varesoske problemura, phenel o Erik Siverbo.

- Kadal gindura kaj si sikhade trobuj dhikle pherdal thaj te si ke baron shaj kado avel jek problemo intregone themeske thaj kado si jek buchi savorenge ando them te acharen sostar kado kerdzol, acharel o Erik Siverbo.

Maj angle kodi rat djal vi hape mashkar e Soldiers of Odin thaj kaver manush anda Göteborg. But djene hamimej thaj e policiake pharesij te phenen so kherdzilas. Ferik ke angla kado shuden pa than la reporterka Carina Holmberg pa than.

- Zamias te skiris chorre bajura pa amende, gindoj me ke trobujas te ashaves te phires pala Soldiers of Odin thaj te djas ande jek kaver rig, phenel jek anonymno mursh thaj shol pe ando drom la reporterkake.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".