Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Centrum för sociala rättigheter del opre la policia

Publicime onsdag 13 april 2016 kl 16.26
Rasist taj antiziganism
(5:17 min)
stadshuset
Foto: John Alexander Sahlin/TT

Te jek kurko palpale demonstrulin perdo rom angla o Stadshuset ando Malmö.

E rom mangen katar e komuna te den len jek than kaj shaj trajin, sar jek härbärge kaj si jek than kaj shaj soven manush po iva vaj jek than kaj shaj shon peske cerhi taj campingura.

E policia butivar shudelas e romen pa thana kaj shute pe te soven, taj anda kodo las o "Centrum för sociala rättigheter" aj das a policia opre anda trakasserier. Ame anda Radio Romano kontaktulisardam "Centrum för sociala rättigheter" te shunas so si len te penen pa kado.

- Ando Malmö sas o lageri Sorgen Fri aj kothe trajinas le rom, kana pandade les tele sas organizaci kaj sas len lokalura aj kothe mekenas e romen te racharen. Akanak pande vi kodo tele aj mangle bare love sas strafo te mekena manushen trajin ande lokalura. Kade ke e romen ando Malmö naj len kaj te trajin anda marco.

- E rom line anda kodo te keren demonstracia, na feri anda kodo ke so kerde lenca feri vi anda lenge chachimata. E rom chi mangen but, feri jek than kaj shaj racharen taj kaj shaj inkerdjon pachasa.

- E policia shudas bare resursura te len pe pala kodi cini grupa rom. Angla mande kado ironicnie, mindig penel e policia ke naj len dosta resursura, ale kana site len pe pala rom adunchi si len perdo love taj resursura pe kodo.

- Taj feri pare kurke kodoleske das o FN bari kritika le Svedos, jek anda kritikura sas pa e diskriminacia pa rom taj e kaver kritika sas ke pares si e policia te lel responsibiliteta kana kerel variso chores.

- E policia chi kamel te penel soske pravostar huchilenas pe kana ashavenas e romane demonstranton. Jekfar penenas ke nashtik inkerdjon le rom campingonca pe kodo than jek kaver data penenas ke e rom melaren krujal peste. Aj kana mangas lendar e desicia chi den amen kanchi, taj amen si pravo te mangas o beslut vaj e desicia.

- Kana vorbisarasas la policiasa chi denas angle sar so trubuj, zungales denas angle. O angluno paragrafo penel ke e myndigheter soske te na aven musaj te len pe pala pravo.

- Me gindi ke von kamen te keren e romengi situacia kasavi phari ke chi kamen te aven kathe taj tradentar palpale khere. Kado sikavel rasism taj antiziganism, penelas o Fredrick Batzler grundare anda Centrum för sociala rättigheter.




Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".