Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Shvedo chi zhutij chore chavoren mishto

Publicime torsdag 14 april 2016 kl 10.15
"Kado si chudno thaj vi daravno"
(2:23 min)
Christina Heilborn, programchef UNICEF Sverige
Christina Heilborn, programchef UNICEF Sverige Foto: Mona Hambraeus/Sveriges Radio

Shvedo perel pe jekh 23 than anda 35 than khatar Unicef pe thema so len sama pala themeske chavora so trajin ande phare konditci.

Kadi studia sikavel sar chores trajin kodol so trajin chores ando them mashkar e themeske citizentura thaj dikhel pe ekonomia, sastipe thaj edukatcia.

E thema so si maj opre si Danemarko, Finlando, Norvego thaj Schweizo.

Kado si chudno thaj vi daravno ke kade si phenel e Christina Heilborn so si programchef ando Unicef Shvedo.

Unicef kerdas jekh dikhipe mashkar EU thaj OECD thema te dikhen sar e konditci mezin e chavorenge ande thema thaj maj baro fokuso shiolas pe kodol 10 procenti khaj trajin ande pharimata.

Shvedo perel pe 23 than anda 35 thana thaj kodolesa si thema anda Baltikum thaj osticno europa, Grecia thaj vi USA.

Jekh dosh khaj kado shaj te avel kodo ke bari migratcia avilas ando them, feri kodi explenatcia naj dosta khaj o Unicef.

Unicef mangel politicne decizi te keravel pe e situatcia kadalenge te birin te trajin maj feder kusa zhutipe khatar skola socialo thaj vi te del pe maj baro ekonomicno zhutipe.

E shavora so si maj but ande kadi grupa si chavora kaske dada thaj deja avile sar imigrantura ando them thaj dichiol ke kodol so trajin chores ekonomicne adjes avna vi maj nasvale thaj avla problemo skolasa thaj kodo kerla ke von chi birina te arakhen penge pala kodo than ando them.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".