Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Regeringo glasulij adjes sar maj cera mangitora te aven

Publicime torsdag 14 april 2016 kl 11.34
Åsa Regnér: Trobuj te ashvas o mangipe
(3:17 min)
Jämställdhetsminister Åsa Regnér. Foto: Bertil Ericson/TT.
Jämställdhetsminister Åsa Regnér. Foto: Bertil Ericson/TT.

O kotor EU-migrantura kaj mangen pe vulici ando Shvedo si pe sa kodo levelo sar o paluno bersh, sikhavel jek rhodipe anda SVT Nyheter mashkar le themeske komuni.

Thaj e reponsibilno ministerka e Åsa Regner kamel te ashavel o mangipe ando them, thaj adjes lel o regeringo decisija te den o länstyrelsen ando Stockholmo e buchi te khiden khetane e buchi le EU-migrantonsa.

Vorta pala e patradzi, sas ginado ke mashkar 3 900 zi kaj e 4 700 mangitora sas ando Shvedo, sikhavel o baro rhodipe anda SVT Nyheter pa intregi komuni.

- Angla mande kadi si jek na lashi situacia. Thaj naj mishto sar kaj si akanak. Ame kamas vi o mangipe thaj vi lengi chorri situacia tena avel, phenlas e shavorengi- phurengi- thaj jekhimaski ministerka e Åsa Regnér ando SVT Nyheter.

Ando rhodipe katar o SVT dine 254 anda 290 komuni atveto, cirka 88 procenti. Thaj le chefura ande komunenenge socialura ginade sode birisarde o kotor Eu-citizentura kaj si lende ande komuna akanak, thaj chi pharudzilas e siffra te dikhes jek bersh palpale.

Vi majbut komuni dine atveto kado bersh sar o bersh angla kodo kana 241 phende pesko atveto. Tha vi kodo rhodipe sas kherdo pala patradzil. Kado zanchij ke o ginado kotor EU-migrantura kado bersh avla maj baro.

Thaj vorta soske bucha trobuj kherde te csnjol kado kotor manush kaj mangen love pe vulici, glasulij o regeringo adjes, phenel e shavorengi- phurengi- thaj jekhimaski ministerka e Åsa Regnér ando SVT Nyheter.

- Ame adjes lasa decisija ke o Socialstyrelsen lena e buchi te den supporto le diferetni socialtjänster ando them, te sikhaven lenge o drom thaj te den le djanglipe sar te maladzon kadala gruppasa akana trobuja.thaj o dujto so kherasa si ke e kordinaciaki buchi vaj o samordningen avla shutino po länstyrelsen ando Stockholmo, phenel e Åsa Regnér.

Kaj majdur phenlas ke vorta o länstyrelsen ando Stockholmo sas le angla kado similarno buchi thaj si le but djanglipe pa manishikano handlo thaj e romani inkludacia. Importatnoj te avel jek struktura ando intrego them thaj kado si ande diferetni länstyrelser, phenlas e shavorengi- phurengi- thaj jekhimaski ministerka ando SVT.

O rhodipe kherdo katar o SVT ginaven ke shaj avel ke duvar ginade sa kodole manushe ande unji fallura ke traden mashkar komuni. Sa kadi vrama gindon ke vi shaj avel jek garudini siffra ke 36 anda le komuni inke chi dine pesko atveto ande kadale bershesko rhodipe. But komuni kaj phenel ke si EU-migrantura ande lengi komuna, chi phende sode.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".