Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Bershesko raporto pa romsk inkludering sas meklo adjes

Publicime fredag 15 april 2016 kl 15.50
Kado trubujas te avel ande sako jek komuna.
(5:24 min)
Romani inkludacia ando Shvedo
1 av 2
Romani inkludacia ando Shvedo Foto: Romani inkludacia ando Shvedo
Majlis Nilsson. Kuva/ foto: Länsstyrelsen i Stockholms län.
2 av 2
Foto: Länsstyrelsen i Stockholms län.

Ando 2012 bersh las o regeringo desicia te kerel jek strategia te keren jek romani inkludacia. Taj adjes mekel o Länstyrelsen e bershesko raporto anda 2015 bersh, ando raporto skiri pe sar gelas e buchi taj proposalura so maj dur kerena.

- Kadal komuni kaj sas ande kadi 4 bershengi strategia kerde mishto buchi, line bari responsibilita taj arakle avri metodi kaj si lashie taj chaches zutin. Ale 5 komuni naj dosta, kado trubaj te avel ande sako jek komuna taj akanak musaj ame pe kodo te shas amen.

- O regeringo mangel maj but love pe kadi strategia te shal alon 5 neve komunon, ale inke chi zanas save komuni kodo avla.

- Kadal 5 komuni sas pe ruzni levelura kana kizdisardam, uni komuni shoha chi kerde buchi le romenca taj uni komuni kerde buchi but vrama. Taj vi ande uni komuni maj cera rom trajin sar ande kaver komuni. Ale naj kade ke jeka komunake gelas maj feder sar kaverake.

- Ame kerdam jek inspiraciaki broshura, kothe skiri pe sa so gelas mishto kadala strategiasa. Ando Luleå kerde bari buchi te peren ando kontakto manushenca anda minoritetni gruppi.

- Ando Lindköping kerde but buchi kusa e chib taj e kultura, kerde perdo chavorenge kevni kaj avna ande but biblioteki, e kevni si pa romani kultura taj sako jek shaj ginaven le na feri romane chavora. E kevni vi si bolden pe diferentni romane dialektura.

- Ando Geteborgo kerde variso kaj bushol tema gruppen ande skoli taj kothe sas e rom representovani. Kothe vorbinas sar te den pe dosh so maj but trubuj e romen ande skoli te birin vi e romen te avel edukacia.

- Ando Helsingborgo kerde but buchi kusa o brobyggar verksamhet, kerde buchi strategisk ande intregi skoli.

-Taj ando Malmö vazde opre ke sakones si pravo te kerel buchi taj kerde buchi kusa o Arbetsförmedlingen. Kerde kade te aven testovi bucha aj line andre romen te keren buchi ando Malmö stad.

- Man si nadjeja taj biziala ke kadal metodi resena kaj intregi komuni na feri kodol komuni kaj avna alosarde te aven pilot kommuner, aj vi nadjeja si man ke o regeringo maj dur kamela kadi strategia te kerel, penelas e Majlis Nilsson kaj buchazi po länstyrelsen.


Margaretha Balok

margrethe.balok@sverigesradio.se

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".