Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Policiako insatso te ashaven o kriminalnocht ande norra Botkyrka

Publicime måndag 18 april 2016 kl 11.10
Chorade amen pishtolonca
(3:41 min)
 polisen Foto: Johan Nilsson/TT
Foto: Johan Nilsson/TT

E policia taj vi kaver myndigheter shon pe akanak kethanes te ashaven tele e kriminalni gruppi kaj si ande Botkyrka komuna. O Palle Nilsson si biträdande polisområdeschef ando Region Stockholm Syd. Aj vov penel amenge soski problematika si kothe.

- Pe puterdi vulica biknen draba. Zanas ke daraven kodolen kas si bolti taj vi si ruzni kriminalni grupi kaj mashkar pende maren pe.

- Von naj feri kothe kriminalni feri pa intrego Stockholmo pe jek nationalno levelo, penel o Palle Nilsson.

E policia penel ke norra Botkyrka komuna si jek anda 15 maj kriminalni thana ando Svedo. Taj kodo si vi o paluno exemplo pe jek than kaj si o Operativa rådet, Operativa rådet si e policia taj kaver myndigheter kaj shute pe kethanes te den kaj o organizovano kriminalnosht.

O Ekot maladjilas kusa företagare anda norra Botkyrka, e policia penel ke von maj but naken katar e kriminalni grupi.

- Daraven, maren, choren, pa sos feri des tu gindo von kodo keren , penel jek företagare. Vi chorarde amen pishtolonca.

- Chorarde amare lokalura, sa shusharde vi zumavenas te putren o sejfo. Pagerde amare kassi taj datorura, pagerde e felastri. Me gindi ke ame naklam sa, penel o företagare.

O Operativa rådet kerel intrego vrama buchi karing 10 zi kaj 20 insatser pe ruzni thana ando them. O insatso ando Södertälje si zipun so o maj baro taj ando 2014 bersh areslas vov kaj jek hovrättsdom kaj sa ketanes das pashchi 77 bersh temlica kodolenge kaj sas huchilde.

Akanak site kezdin e myndigheterna te keren o insatso ande norra Botkyrka.

- Keras buchi lokalnie e policiasa kaj si kothe, taj keras vi buchi kaj si amen kaver funkcie taj kvalitetura, penel o biträdande polisområdeschef Palle Nilsson.

- Si amen nadjea ke dena amen zutipe nationalnie. Kodo kerela ke chaches vramasa birisaras te paruvas e situacia kethanes kusa e komuna, skola, socialo taj e föratagura.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".