Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Det brinner i Kronåsens industriområde med kraftig rökutveckling som följd.
(Publicerat idag kl 15.48)
Nyheter och program på romani

Komuni hibazin ande nationalni goalura po habe

Publicime måndag 18 april 2016 kl 15.28
Naj shvedisko habe ande komuni
(4:06 min)
Skolmatsal. Arkivbild.
Skolmatsal. Arkivbild. Foto: FREDRIK SANDBERG / TT

Majbut komuni thaj landsting vaj regioni naj le goalura vaj målsättningar kana avel kaj shvedisko habe ande phuterde kuhnji sar ande shkolenge thaj bolnjicenge kuhnji

Kade sikhavel jek rhodipe kherdo katar o Shvedisko Radiosko programo Kaliber.

Le regeringos si jek vizia pa so majbut shvedisko thaj ekologicno habeski produkcia thaj konsumtia ande phuterde kuhnji, o rhodipe katar o Kaliber sikhavel ke le komuni thaj le regioni line karing peske le goalura vaj mål pa ekologicno habe, ferik ke naj le goalura katar o habe avel. Ando Göteborg sar exemplo naj katar avel o habe sa kade importatno sar kaj si produkovano.

E Gunilla Williander sherutni ande kuhjna vaj köksmästare ande jek shkolako resturano ando Göteborg. Voj sikhavel krujal ande shkolake loduvki vaj frysrum thaj kylrum, kaj but ekologicno thaj importovano habe si.

- Intregi brishli vaj goja si shvediska, ke kodol kinas anda Scan, ferik ke o kaver habe si Eu-ekologicno, niesteti. Kathe line e politikura e decisija sar jek habe si produkovano thaj na kaj, kodo si maj importatno, phenel e Gunilla Williander.

Kana o Kaliber ande jek enketo pushle katar le Shvedoske komuni, landsting thaj regioni, von kaj khetanes kusa them den trin miljonura habenata ando djes, ande shkolake kuhjni, phurenge khera, thaj bolnjicenge kuhnji, sikhadzol sar exemplo ke si majbuthe komunen sa kodol goalura sar ando Göteborg.

8 anda 10 komuni shute peske goalura sode anda habe site avel ekologicno thaj 2 anda 10 sode anda habe stie avel prudukovano ando Shvedo. Unje komunen sar sol duj goalura thaj unjen chi soske.

E studentka Linnea Landergren phirel ande Bergundaskolan ando Växjö, thaj phenel ke voj chi zanel kade but katar o habe ande laki shkola avel.

- Na chi djanav kade but. Ferik ke importanoj, sichuvas but pa kado pe lektiji, atunchi mishto avilov te si kado phanglo vi ande shkola thaj kaj o habe kathe. Kamlemas o habe te avel pashe produkovano thaj shvedisko, phenel e Linnea Landergren, kana e reporterka anda Kaliber pushlas so voj gindoj pa shkolako habe.

E komuna ando Växsjö djal pe sa kodi linja sar e Linnea kana avel kaj o habe. Sa kade acharel o landsbygdsminister Sven-Erik Bucht (S), kaj kherel buchi akanak kodolesa te lel avri jek nevi nationalno strategia po habe. Thaj o gindo pala kado si ke site avel majbut produkovano thaj konsumovano shvedisko thaj ekologicno habe. O ministro vazdel opre o shvedisko.

- Me zurales kamlemas te aven majbut konsumovani shvediska habenata vaj livsmedel, vi ande amaro them thaj vi avri ande luma, phenel o landsbygdsminister Sven-Erik.

Ferik ke o rhodipe katar o Kaliber sikhavel ke le komuni thaj le landsting vaj regioni maj zurales line karing peste le goalura pa ekologicno habe, thaj na sa kade katar o habe avel. Ferik ke o Landsbygdsministern cho dosharel le komunen.

- Le komunen ando Shvedo si jek självstyre, vaj si indipentni. Thaj musajij zurales jekzene te alon so von kherna prioritacia. Ferik ke me loshav te si le uche kravura pe enviromentia, vaj ekologicno habec vaj le zjveron kaj shon anglunes, phenel o Sven-Erik Bucht.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".