Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Asyl thaj HVB khera naj dosta protecia kana phabol

Publicime tisdag 19 april 2016 kl 12.10
"Shaj varekon merel"
(3:33 min)
Karta över kommuner i granskningen av brandskyddet på asylboenden.
Bare dosha ande securita mashkar HVB thaj asylantonge khera Foto: Sveriges Radio

E protecia kana phabol vaj o brandskyddet ande but asyl-khera thaj HVB-khera hibazij zurales, sikavel jek rhodipe katar o Shvedisko Radio.

Kado si sar exemplo pa thele phandade utrymningsvägar, droma kaj shaj nashestar kana phabol thaj larmura kaj chi phiren.

Pala jek inspekcia sas jek HVB-kher thele phandado, ke hibazijas ande securita.

- Kado ame djanglam katar e policia. Thaj ame acharas ke sa chorri si e protecia te inkren kado kher vaj lengi buchi majdur kusa kadal shavora, phenel o Marcus Asplund, chefo ando räddningstjänsten ando Katrineholm.

Jek coencidencia vaj slump sas ke o räddningstjänsten ando Katrineholm djangle pa e securita ando HVB-kher, ke e polica sas po than pe jek kaver buchi. Ferik ke kana aba sas kothe sikhadzilas ke sas ferik larmo ande jek anda le duj apartementura thaj konik chi djanelas chi phiren vaj na.

Kado si ferik jek anda but exemplura ando rhodipe kherdo katar o Shvedisko Radio, kaj le protokollura kana phabol ande asylatonge-khera thaj HVB-khera ande 75 komuni sas sas dhikle pherdal.

Ande trin anda shtar anda cirka 300 khera sas punktura thaj paschi 60 procenti anda le khera lende hibazijas kade zurales e securita kana pahabol ke musajsas kodo kherado direktnie vaj jek plauni data.

Larmura kaj chi phiren vaj ke djan kana chi trobuj si jek kotor ande rhodipe kaj sikhavel ke hibasij e securita. O Ahmed Altijani trajin ando asylantongo-kher ande Karlskoga khetanes kusa 400 kaver asylantura. Vov phenel ke kodol kaj trajin kothe chi djan aba avri kana o larmo djal, ke kade but hohavne larmura si.

Unji kaver maj seriozno dosha kaj si ande but asylantonge-khera si ke naj systematicno buchi pe securita kana phabol vaj brandskyddsarbete, vudara kaj chi inkren, andre phandade droma, thaj ke naj kaver alternativi kaj te nashestar kana phabol.

Thaj vi naj chudasho ke ande khera hibazij e securita kana phabol ande khera, vareso kaj daravel le vice chefos ando Nerikes Brandkår, o Ulf Smedberg.

- Jek larmo kaj si choro vaj chi phirel, jek drom kaj si phandado, ke naj sosa te mudares e jag thaj jek skylto kaj chi sikhadzol. Kana si kasave dosha pe sa kodo than, atunchi daras ke katastrofa jekhe vaj bute manushenge shaj kerdzol thaj varekon shaj merel, phenel o Ulf Smedberg.

Thaj vi o Anders Ygeman, Inrikesminister vaj themutno ministro daral anda e securita kana phabol ande asylantonge khera.

- Kado si jek dar. O maj nasul konsekvenso shaj avel ke varekon phabol andre ando kher anda kodo ke hibazij e securita, musajij te len e dosha ande securita kana phabol serioznie thaj te popravin le, phenel o Anders Ygeman.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".