Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Sunita Memetovic

Publicime tisdag 19 april 2016 kl 12.58
"Me mangav te pomozinav e romen"
(5:27 min)
Sunita beshel angla komputeri.
1 av 2
Sunita Memetovic beshel angla komputeri ande peski peski nevi oficia. Foto: Adam Szoppe/ Sveriges Radio
E familja loshak a Sunitake
2 av 2
Kana e Sunita agorisardas e juridikako fakulteto ande Uppsala Universitet. Foto: Privat

Sunita Memetovic si loshaki kana Radio Romano dikhel pe lasa ande laki oficia centralno ande Uppsala ande jekh pindjardi advokatongi firma.

Sunita phirdas opral 5 bersh ande Uppsala Universitet thaj nakhlas e juridicno fakulteto thaj voj kamel te djenen vi kaver romane ternimata ke vi von birin te nakhen uche studie, ke kado si vazno ghindoj e Sunita.

Sunita Memetovic si jekh romani chej khaj sikavel pesko romani identiteti, voj chi garavel pesko romano identiteto thaj voj phenel ke zurales positivno dikhen e gadje pe kodo ke voj si romni.

Sunita Memetovic beshel ande jekh bari oficia thaj akanak lel pe laki chachi juridicno buchi, voj naj inkre advokatka feri ke shaj te kerel buchi pasha advokatura thaj vi te inkrel but buchia ande pesko vast thaj vi te djal ande krisi ando Sudo te zhutij e manushen.

Sunita kerla buchi but kusa socialne juridicne buchia thaj voj djanel ke si bute manushen thaj vi romen bare problemura kusa socialura khaj mangen te len lendar lenge chavoren.

Butivar len e romendar e chavoren po LVU thaj butivar chi djanen e rom savo zhutipe von shaj te mangen feri daran zurales khatar e sociala thaj chi djanen ke von shaj te mangen juridicno zhutipe.

Sunita Memetovic phenel ke voj kamel te zhutij savoren feri ke lako hjilo phabol te zhutij e romen thaj e Sunita phenel ke e rom so acharen ke trobuj len zhutipe/pomoc shaj te vorbin late.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".