Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

#Roma are Equal

Publicime fredag 22 april 2016 kl 15.28
"But rom trajin ande bari dar ande Bulgaria"
(5:39 min)
Vast inkren lil kusa texto #Roma are equal
1 av 3
E kampanja djal akanak pa intrego ljuma. Foto: Rikard Jansson/Sverigesradio
Mitko inkrel o lil kusa kampanja
2 av 3
Mitko mardjilas anda peski vorba ke e rom si equal kavere manushenca. Foto: Privat
Soraya kusa lil ande kampanja
3 av 3
Soraya Post phenel ke o maripe si sikajipe po Antiziganismo ande Bulgaria. Foto: Privat

Jekh terno chavo sas mardo ke phendas ke vov si pe sa kodo levelo - equal sar jekh gadjo ande Bulgaria.

Jekh klipo djal pa intrego ljuma akanak khaj jekh romano chavo khaj bushiol mitko trodjiol thaj vorbij jekhe murshesa khaj lel les tele telefonosa.

- Khaj djas bushiel o mursh khatar o Mitko..
- Khere djav te pheneij, phenel o mitko thaj asal nervozno.

O manush so dikhel o klipo acharel ke variso naj sar khaj trobuj kate.
Acharel pe e romane chavesiski dar.

- Phenesas ke ame sam sa kasave jämstälda, pe sa kodo levelo, phenel o mursh.

- So phendanas te malademas tu? Pushel o mursh thaj malavel e Mitkos ando muj.

Mitko perel pe phuv thaj o mursh kushel leska da, rugij ande leste thaj vazdel les opre thaj phenel leske te na tordjiol feri te pashliol pale pe phuv thaj o Mitkov kado kerel.

Tu san cigano, me chi sim cigano sar shaj te phenes ke ame sam sa kasave manush?

phenel o mursh agresivno thaj marel ando Mitko tela jekh klipo so djal karing 2 minuti.

Diskriminatcia si zurali ande Bulgaria thaj zumavlas pe vi te sharavel pe kado so kerdas pe kusa Mitko ande Bulgaria, phenel e Daniela Petrova jekh romni so kerel buchi ande komuna Jakoruda.

E romane organizatci kerde jekh zurali buchi ke te na kerdov von bare protestura shajas vi te mukhen avri e murshes khaj mardas e Mitkos.

Ande Bulgaria si problemo e rasismosa phenel e Daniela Petrova, si vi but manush khaj si lashie feri ke vi kade nakhen e rom bare problemura e doshasa ke von si rom thaj but manush chi kamen te dikhen pe jämställda - equal e romenca

Pala kado maripe nakhlas jekh baro stormo pa socialne medi jekh kampanjia khaj rom thaj vi gadje tordjion kusa jekh lil khaj tordjiol #roma are equal.

Vi e Europarlamentariker Soraya Post shutas pe ande jekh patreto kusa o texto #roma are equal thaj voj phenel ke kado so si sikado ande Bulgaria si evidensia po Antiziganismo.

E rom trajin ande dar phenel e Soraya Post, ame e rom so trajisaras ando Shvedo trajisaras sar raj pasha lende ande Bulgaria, feri kado shaj vi te avel ando Shvedo.

Soraya Post phenel ke voj dikhel ke maj but shunen la thaj ke o romano pushipe djal maj angle feri voj phenel ke e historia si za lungo kusa romani diskriminatcia o Antiziganismo thaj ke e buchi kusa kado lela vi lungo vrama.

Numa sar si?  Si e rom equal - jämställda kavere manushenca ande europa?
Soraya Post asal ekcera thaj phenel:

Dur si inke e romenge te aven dikhle sar equal ande but thana


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".