Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Pettson aj Findus

Publicime måndag 25 april 2016 kl 15.12
E paramica Pettson aj Findus
(7:10 min)
Findus aj Pettson
Foto: Rafal Szoppe: Sveriges Radio: Radio Romano

Petsson aj Findus si jek seria paramici pa jek phuro mursh aj leski mutca.

O Phuro Pettson si jek godzaver phuro so trajij peska mutcasa Findus aj lenge kajnanca. Kadal paramici si pa lengo trajo aj so von keren. O Findus si majbut sar jek chavoro so kamel te kelelpe aj te diljarelpe aj phuro les bararel aj sitcarel sar te trajij. Kadal paramici si sar teatrora aj vi filmora aj vi si pe but chiba. Akanak e paramica pettson aj Findus si te avel kerdi pe romani chip katar o Fred Taikon, shunas so vof penel aj chi gindora les si pa kadi paramica Pettson aj Findus.

O Fred penel ke o Pettson si jek phuro rom so si butivar holjarnikov aj so trajij peska mutcasa o Findus. Maj dur penel o Fred ke o Pettson vorbij e Findusosa sar te avilov jek cino chavoro aj o Findus palpale vorbij e phuresa sar te avilov vov o Findus jek chavoro. Butivar si na feri chavorikane gindora kaj kadi mutca vi godzaver gindora aj vorbimata aven katar o Findus. O Findus na feri e phuresa vorbij o Findus vorbij vi e kajnjaca so lentca trajin. O Findus mindig gindoj avri problemora aj kerel mindig perasa e Phure Pettsonoske. Kado pendas o Fred Taikon


Kadi paramica bushol Pettson tältar Shveditcka aj pe romani chip buchol kadi paramica Pettson ratcarel ande cherha. Kado pendas o Fred.

E paramica lelpe kana o phuro Pettson zal opre ande pesko kher aj arakel jek gono, o Findus nashel kote leste te kelelpe e gonoso aj antunci o Pettson perel tele pa trapti aj atuntci e cini mutca Findus darajvel. Kado pendas majdur o Fred kana vorbias pa kadi paramica.


Aj kade von arakle o gono e cherhasa aj line te aj line te vorbin soj kado jek cherha, so shaj keres jeka cherhasa aj anda kado von dine pe gindo te shaj ando vesh vaj pe plaja te soven ande cherha. Kade pendas o Fred.


O Fred penel ke sostar von alosarde kadi anda sa paramici pa Pettson si ke e rom vi von trajinas varikana ande cherhi, aj kado zal ketane ande romani.
Majdur penel o fred ke kadi paramica si jek zurales interantno historia , e mutca vorbij vi e kajnanca aj vi von kamen te zan te soven ande cherha e phuresa aj e mutcasa.

So inke o Fred penel si ke kadi paramica si savorenge vi barenge aj vi chavorenge.

Majdur penel o Fred ke naj musaj te zanes te ginaves kadal paramici si shukar te shaj aven ginade chavorenge, kadal kevnji paramici si tolmacone pe opral 10 chipa vi phurenge aj vi chavornege von si. Kade pendas o Fred Taikon.

Po agor pendas o Fred ke kadi paramica pa phuro Pettson aj leski mutca o Findus aj lenge kajnja si te avel avri ando Juni aj avela ande sa bibliotekora.





Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".