Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Regeriungo del love pe romane edukatci

Publicime onsdag 27 april 2016 kl 10.07
"Amen si pachape ande kadal edukatci"
(3:13 min)
Ministerka Alice Bah Kuhnke
Kultur thaj demokrati ministerka Alice Bah Kuhnke phenel ke regeriungo del love pe neve edukatci pe mediatora. Foto: Stig Åke Jönsson / TT

Akanak las Statens skolverk thaj Socialstyrelsen kadi buchi ando vast te arakhen avri jekh edukatcia so djala khatar 2016-2019.

E neve edukatci boldenape khaj kodol so si te keren buchi ande cini skola - Förskolan, ande skola, socialo thaj sastimaske buchia - hälso- och sjukvård.

Kadi buchi kusa edukatcia pe brobyggare/mediatora si jekh kotor ande e romani strategia ande romani inkludatcia thaj o regeriungo inkrel peske ambitsi te zurarel pe e edukatci so djan mishto, thaj amen si kontakto romenca khaj phenen ke kadal edukatci djan mishto thaj anda kodo das zhutipe pe kado, phenel e Alice Bah Kuhnke khaj si kultur thaj demokrati ministerka thaj lel sama pala e nationalne minoritetura ando them.

Ande kadal duj edukatci so si mangle khatar Skolverket thaj Socialstyrelsen avna maximalne 20 manush ande sako klasa thaj kado nakhela po halvtid khaj dela 7,5 uche skolake punktura pe sako termina thaj avna 4 termini.

E ministerka Alice Bah Kuhnke phenel ke la si pachape ande kadal neve edukatci ke von dikhle e purane resultatura pe brobyggare/ mediatorenge edukatci thaj von gele zurales mishto.

E edukatcia si buhli thaj pe diferentne buchiake thana sar e funduni skola, socialo thaj sastimaske buchiake thana, atunchi musaj Skolverket thaj Sociastyrelsen te arakhel avri jekh specialno edukatcia khaj dela sa kado e mediatoronge te avel len dosta chokaja ande penge buchia maj angle.

Ministerka Alice Bah Kuhnke dikhel kadal duj edukatci sar jekh lundjaripe pe lashie edukatciake projekti, voj djanel ke si kritika manushendar thaj romendar pe uni buchia ande romana strategiaki inkludatcia feri ke la si pachape ande kadi buchi ke kado phenen but rom so si ande e diferentne referens grupi thaj pasha kodo sikaven sa e resultatura sa kodo.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".