Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

E buchi kusa edukatci pa mediatora/brobyggare

Publicime onsdag 27 april 2016 kl 14.48
"Kadal rom sikaven bare ambitci kusa studia"
(3:34 min)
Angelina Dimitri-Taikon thaj Christina Olgac Rodell
Angelina Dimitri-Taikon thaj Christina Olgac Rodell

Inkrelas e angluni edukatcia thaj inkrel akanak jekh so mediatora phiren ande Shvedo.

Christina Rodell Olgaç si docentka thaj lektorka ande pedagogika ande Södertörnhögskola voj thaj e Romni e Angelina Dimiter-Taikon kerde khetanes buchi ande kadal edukatci thaj von line vi sama ke e rom so phiren kamen te sitchion feri ke sas vi pharimata ke savoren nas sa kasavi edukatcia maj anglal thaj nas len sa kodo djanglipe pa shvedo thaj e reguli thaj but anda kadal chi nakhle uche studi.

Jekh kaver buchi so si kaver si kodo ke e skola chi alosarel e studenton feri e komuni khaj inkren e mediatoro/brobyggarna bishaven e romen so lende keren buchi adjes thaj kodo kerel ke edukatcia si zurales diferentno mashkar e studentura.

Christina Rodell Olgaç phenel vi kodo ke vi te si diferentno djanglipe mashkar e studentura si kadale romen baro djanglipe ande penge buchia thaj sar e buchi chachimasa djal avri ande praktika, ke but manush kerde aba but bersh buchi kusa kadal pushimata.

Jekh kaver buchi so si vazno thaj vi univar phares si kodo ke e edukatcia musaj te avel pe ucho levelo, ucha skolako levelo thaj te inkrel jekh kvaliteto so si inkerdo pe universitetura.
Kodo so si ekcera maj kaver si kodo ke kadale studenton si maj lungo vrama ande skola thaj kado funksionulij mishto.

E edukatcia si vazno thaj kado dikhen e rom thaj vi kodol so den e romen buchi phenel e Christina Rodell Olgaç feri voj las sama khatar e studentura ke e buchiake thana shion za but buchi pe lende, ke von ghindon ke e mediatora birin te lashiaren sa e romane problemura.
Feri kade naj trobuj maj but mediatora.

Fantasticno sas kadi buchi ke e rom so phirnas thaj so phiren si zurales ambitcine te nakhen e skola ke von djanen ke e skola del len chokaja ande lengi buchi maj angle.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".