Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Nevo pravo kerla ke chi avla snus

Publicime torsdag 28 april 2016 kl 11.54
O snus site avel shviezo.
(3:21 min)
Snusdoser
Foto: Fredrik Sandberg / TT

E Svedos si jek nevo pravo po tobako, o pravo penel ke musaj nevi informaci te avel pe snusoski pachka. Akanak penen kodol kaj keren o snus ke kado kerla ke chi avla dosta snus.

Ando majo avla jek nevo direktivo katar o EU kaj si pa tobakoske produkti. O Svedo shutas pesko pravo pala lende taj ando april avilas jek nevo tobakosko pravo ando riksdagen.

O Folkhälsomyndigheten, silen responsibiliteta pe kado, aj ande andre so site skiri pe pe snusonge pachki.

- E reguli parudjile, maj baro tahn si pe kadal neve pachki aj si maj but than te skirin sar shaj nasvajves katar o snus. Aj kerde vi kade ke sa jek site meszin ande intregi le Eu:soske medlems thema, penel e Josefin Jonsson, enhetschef po Folkhälsomyndighetens enhet för alkohol- och tobakstillsyn.

Aba de katar o 20 majo musaj aba te aven e neve pachi te shaj bikindjon. Kaj si e vrama kasi skurto si ke o pravo nas kade but vrama, penel e Josefin Jonsson anda Folkhälsomyndigheten.

Ale kodol kaj keren o snus penen ke e vrama za skurtoj.

- Phares si jeka firmake tela 4 kurke te paruvel ande 2 fabriki, kade ke ame chi pachas ke ame avasa gata pe kodi vrama,penel o Patrik Hildingsson, kommunikationschef anda Swedish Match.

Kana sas pushlo tena naj variso kaj shaj keren te aresen pe vrama pendas kade:

- 2 fabriki si amen. Musaj neve etiketki te keras. Pe kodo but buchi trubuj.

Vov del varningo ke shaj chi avla snus ande bolti.

- O snus site avel shviezo, aj chi birisaras te inkeras pe lagera. Te na avla amen leveranso tela but kurke adunchi shushes avla ande bolti, penel o Tobias Rydergren, pressansvarig po Coop Sverige.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".