Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Diplomatichno kriziso mashkar o Svedo taj o Saudiarabia

Publicime torsdag 28 april 2016 kl 13.14
Diplomatichno kriziso mashkar o Shvedo taj o Saudi
(2:50 min)
Kungen
Foto: ANDERS WIKLUND / TT

O kraj del komentaro pa peski rola kaj o paluno bersch zutisardas te araken jek rezolvo po kriziso diplomatichno maschkar o Shvedo taj o Saudiarabia.

E Saudiarabia akarde palpale penge ambasadoros aj chi dine viza le sveditska biznesmanon, o sveditsko regeringo aj o kraj Carl Gustaf bishade jek lil aj kherde pascha maschkar o Saudiarabia tajo svedo.

- No te vorbis pa kado chi ilipe, ale man vorta si jek lashi relatia le Saudiarabiasa kana si pa kado pushipe ando kado kontexto.

Phenel o kraj Carl Gustaf kaj o Ekot.

Sar ordförande ando utrikesnämnden site informoli o regeringo le krajes kana si pa relatie maschkar e differentni tema. Kana moklaspe o nevipe pa diplomatichno kriziso le Saudiarabiasa kidepe pherdo jornalistora te lichin kana e utrikesministerka Margot Wallström resel ande djiz te maladjol le krajesa kaj sas ando martso o paluno bersch.

Sar laspe o kriziso sas ke o svedo kamlas te ashavel o militarno avtal te zutij len te potren jek fabrika aruzengo ando Saudiarabia aj vi so phenas sar pa dikipe po manuschesko vartoshc kaj e Margot Wallström kerdas.

Sas te avel jek normalno djes kana planolin ande djiz, ale avilas o pushipe sar te kheren e krizosa aj sar te lasharen. O kraj moklas te acharen ke vov kamel te zuti, te si vareso kaj birij te kherel. O djes pala manglas o statsministro Stefan Löven te biri te zuti len te skiri jek lil lenge.

- Zurales pache keras butchi ketane le parlamentosa. Aj kheras butchi ketane ande temotne politichni pushimata. Zurales mishto sas phenel o kraj.

O regeringo bishade o Björn von Sydow te ingrel o lil katar o kraj taj o regeringo, E arabitksa mediora acharde ke o Shvedo manglas ertechija ke bishade e lila aj ke kherde te maladjon. O kriziso sigo nachilas aj o ambasadoro anda Saudiarabia tradas palpale ando svedo.

-E krajesko lil kaj bishadas sas zorales importantno phendas o Björn von Sydow kana areslas ando svedo, chi kamlas maj but te phenel pe kaver pushimata.

So skiriaspe ande krajesko lil chi janen, ale phenen ke skririaspe andre ando lil sas lashimaske vorbi aj te serel o Saudiarabia soske lashe relatie si lende.

- Anda kado sas mange zurales mishto ke birisardam te vazdes e bizijala aj ke vorbisardam le temeske chefosa.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".