Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

E kenvja Jesus var också flykting, andre kapitlo pa rom

Publicime måndag 2 maj 2016 kl 10.58
"Importatnoj te phenes le romengi historia"
(5:25 min)
O skiritori Micael Grenholm skirisardas e kenvja "Jesus var också flykting"
O skiritori Micael Grenholm skirisardas e kenvja "Jesus var också flykting"

Jesus var också flykting, vaj "Vi o Jesus sas nashutno", si jek kristianisko kenvja kaj sikhavel so e Biblia vazdel opre ando Phurano thaj ando Nevo testamento pa nashutne manush thaj immigrantura.

 Vi si vazdino xenofobia ando Shvedo thaj resisto karing le immigrantura, thaj che effekto kado das historicnie pe manush.

Thaj ande jek kapitlo kaj bushol "EU-migranterna våra syskon" vaj le EU-migrantura amare pheja thaj phral, vazdel o skiritori thaj o kristianisko evangelista Micael Grenholm opre le romengi situacia thaj sar von si diskriminovani ando Shvedo.

Thaj kade phenel vov amenge pa peski buchi la kenjvasa ando Radio Romano.

- Me simas engagovano ande buchi kusa romane EU-migrantura desar o 2014-bersh. Thaj sas mange naturalnie te vazdav lengi situacia, kana vorbisaras pa migracia thaj pa xenofobia. Pala kode vi interesno mange ke zurales but anda le romane EU-migrantura kaj aven te mangen pe amare vulici si kristianura, anda kode o kapitlo pa lende bushol ande kenvja "Le EU-migrantura amare pheja thaj phral", phenel o Micael Grenholm.

Kaj majdur phenel ke leske personalnie po ilo si nashutne thaj le romane EU-migrantura. Phenel ke ande kenjva anda kode vazdel opre historicni sicharimata, personalni historiji, thaj rhodimaske reportagura. Vi si vazdino sar diferetni kristianiska organizaciji tordzile karing le nazistongi ideologia mashkar e 1930-1940 bersh.

Thaj kadalesa si leski nadzea ke kon ginavela e kenvja shaj lela jek majbaro djanglipe pa romengi situacia, thaj te hasavjen but anda le mytura.

- Vazdas opre o myto ke le romane EU-migrantura, si kriminalni vaj ke si phangle kaj varesoski kriminalno gruppa. O myto ke von si barvale, vareso so si zurales letko te sikhaves ke naj kade.

Thaj so mangav le manushen kaj so ginaven e kenvja si te len e vrama te djanen le romane Eu-migrantura, te vorbin lensa, te engazulin pe ande idealni initiativi kaj si krujal intrego them. Kado te shaj kheren jek relacia kadale manushensa. Thaj vi te dikhen manush ke si vareso ando kristianisko pachape kaj kadal manush inkren, phenel o Micael Grenholm majdur.

Le Micaeloske las pe intrego buchi le romensa kana vov tradas sar evangelista ande Afrika. Kothe phenel vov ke las sama sarij kana manush trajin chorimasa, thaj te birij te inkrel jek kommunikacia le manushensa po than ande Afrika sichilas vov unji vorbi pe lengi chib.

Kothe maladas les o gindo, sostar vov chi sichilas Romuniska? Das pe gindo pa le romane EU-migrantura kaj so si ande Uppsala kaj vov trajij, ke kothe si jek gruppa manush kaj trajin chorimasa, thaj vi len trobuj zutipe.

Atunchi maladas ma o gindo sostar chi sichilem lengi chib, sostar chi beshlem thele le romane Eu-migrantonsa kaj bershen pe amare vulici thaj mangen. Zutisardem le angla kodo, dem le eksera love, ferik ke na chacho engegmango vaj varesoski maj chachi buchi.

Anda kode kana avilem palpale ande Uppsala, lem avri Google Translate po telefono, thaj lem te vorbij kadale manushensa, thaj atunchi ingherde man pesa, dikhlem sar trajin ande peske matori.

Atunchi lem aj vi sichilem majbut pa romengi historia, pa e diskriminacia kaj nakhle ande Romunia thaj krujal e luma, phenel o evangelista thaj o skiritori pala kenvja Jesus var också flykting, o Micael Grenholm.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".