Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Romska Bilder - Romane Fotografi

Publicime tisdag 3 maj 2016 kl 14.03
Foto projekto RKC hälsinglands museum
(4:37 min)
Purano patreto anda bersh 1910 pe rom.
1 av 3
Carolo thaj leske cheja, o patreto si lino krujal o bersh 1910. Foto: Agnes Andersson, Alfta. Plåtarna ägs och förvaltas av Alfta Sockens Hembygdsförening.
Duj romnia pasha duj kherora.
2 av 3
Duj Romnia khaj chi djanel pe e anava khaj trajinas pasha vojako than ”Lars-Isaksbacken” Enånger, Änga, 1939 Foto: Tekla Svensson. Ägs och förvaltas av Enångers Hembygdsförening.
Romani familja hal habe pasha mesala.
3 av 3
Liza Kaldaras, Rut Kaldaras, Erland Kaldaras, Chi djanel pe kon, Bernhard Caldaras thaj Monica Caldaras. Malmö 1959. Foto: Chi djanel pe kon las fotografia

Romano Kulturako Centro thaj Hälsinglands Museum kiden patretura pa rom khaj e rom trajinas ando Shvedo zhi khaj e vrama 1960.

Naj dosta informatcia pa e rom thaj sar von trajinas zhi khaj o bersh 1960, kodo so but manush chi djanen si kodo ke e rom nashtikas te trajin ande khera thaj te trajin maj lungo vrama sar trin kurke pe jekh than, thaj kadi informatcia si vazno phenel e projekt ledare anda Hälsinglands Museum e Sofia Marcetic.

Akanak rodel Romano Kulturako Centro anda Malmö thaj Hälsinglands Museum patretura manushendar khaj inkren patretura phende khere.

Erland Kaldaras anda Romano Kulturako Centro phenel ke e buchi djal angle thaj akanak keren von jekh digitaliziatcia e patretonca te na hasajvel e romani historia anda Shvedo so si pe kadal patretura.

Zhi adjes aresle lende karing 700 patretura pe rom ande diferentne thana thaj vi patretura pe romane thana thaj but privatne manush thaj vi purane fotografura bishaven penge patretura lende.

700 patretura si but phenel o Erland Kaldaras ke si jekh digitalno than khaj bushiol Digitalt museum khaj e diferentne museumura shaj te phanden pe khetanes.

Adjes si kote 45 museumura pangle thaj lende si totalno feri 74 patretura pe rom.

Erland Kaladaras phenel ke lende aven but difernente patretura pe rom anda Shvedo.

Ande kadi projekta zumavel pe te arakhel pe anava pe savorende feri ke kodo si zurales phares kana aven purane patretura, phenel e
Sofia Marcetic anda Hälsinglands museum ke but manush chi trajin thaj kodol so trajin si adjes dosta phure.

E Sofia thaj o Erland phenel ke savori shaj te bishaven lende patretura khaj si pa rom zhi khaj o bersh 1960 thaj von djukaren te aven but maj but patretura lende.

Kadal patretura si e romengi historia ando Shvedo thaj si vazne.
E patretura avna inkerde thaj garudine thaj trajina maj dur shela bersh maj angle phenel o Erland Kaldaras po agor.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".