Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Arina Stoenescu mediatorka mashkar Romunia thaj Shvedo

Publicime onsdag 4 maj 2016 kl 11.54
"Pluso kaj sim immigrantka"
(6:00 min)
Arina Stoenescu ando Bukarest.
Arina Stoenescu tordzol ande jek hotello ando Bukarest. Foto: Rikard Parno Jansson. Radio Romano

E 47-bershengi Arina anda Stuvsta ando Stockholmo das avri e kenvja " Det kunde ha varit jag" pa Felicia pa jek romani EU-migrantka kaj las zutipe ando Shvedo.

E Arina vi boldas e kenjva kherdini katar Gunilla Lundgren "Sofia Z-4515" pe romunisko chib kaj si pa pa romnji Sofia kaj nakhlas e dujto lumako maripe.

Opruch kado sas e Arina vi jek mediatorka mashkar o Shvedo thaj e Romunia ande but romane pushimata, thaj zutisardas na domut te phutren jek romani shavorengi biblioteka ando Bukarest ande nationalno romani biblioteka. Thaj kade phenlas voj amenge, kana Radio Romano maladzilas las ando Bukarest.

- Me arakhadzilem thaj barilem ando Bukarest thaj si muro kherutno foro, vi te si o Stockholmo, Shvedo muro them de 30-bersh palpale aba. Thaj mange mindik sas interesno te bodulij podura mashkar diferetni kulturi, si but shukar ande Romunia kaj shaj del effekto ando Shvedo, thaj vi ando Shvedo kaj shaj avel hasnime ando Romunia.

Thaj kana avile le anglune EU-migrantura ando Shvedo, achardem ke chi djal o manush te phandavel peske jakha. Ferik ke me pachav ke te kames te pharuves jek them trobuj te kezdis le shavorensa, atunchi aven vi le kaver lensa po drom, phenel e Arina Stoenescu.


Voj majdur phenel ke von katar peske cine bersh ande Romunia sas mindik interesovano katar le rom. Phnele sar lenge lungi shukar csohi, e colorura kaj phiravenas thaj lenge perli, thaj simadja mindik chalonas la.

E Arinake sas e romani kultura zurales interesno, phenel voj. Ferik ke but stereotypicni gindura sas krujal late katar familja thaj amala.

- Ferik ke niesteti sas mange phende sa kasave stereoptypicni diskriminaciake gindura phende, sar kaj si le kaver romunon, thaj kado das effekto pe mande thaj lem mansa kado kana avilem ando Shvedo, thaj kana mure amala line te pushen sostar kade acharav, lem sama ke naj grundo sostar me kade te acharav.

Thaj kana e EU-migrantura kerdzonas ferik so majbut, line kadal sterotypicni gindura te aven katar manush pale, atunchi achardem ke me jekzeni trobuj te dav pe dosh sar kadal manush trajin, phenel e Arina.

Opruch e literatura thaj e buchi sar mediatorka mashkar duj thema si e Arina Stoenescu graficno designer thaj sicharkinja ande mediaki teknika, thaj phenel ke voj kadalesa kamel te kherel buchi te shaj kherel maj lashi kommunikacia mashkar manush pa typografia thaj graficno designo thaj kusa shavorengi kultura thaj kenjvi.

Voj vi rhodel vaj kherel forska typogracia thaj politka kaj si ande media ande Romunia thaj Romunia thaj vi kusa illustracia.

Ferik ke nas kado mindik kade letko lake, phenel voj. Vi voj sas varekana nevi ando Shvedo thaj hamime mashkar duj kulturi, las lake vrama te sichol sakofalo, ferik ke vorta kaj si voj hamime ande duj kulturi, zutisardas la kado ande laki buchi sar mediatorka.

- Jek pluso mange sas ke vi me sim immigrantka, thaj kana avilem ando Shvedo simas vi me shutini mashkar duj kulturi kaj kherel ke man si perspektivo ande sol duj anda lende.

Thaj vorta anda kado ke acharav ma khere ando sol duj kulturi, thaj acharav sar inkren pe manush che regulura si, maj letko sas te bodulij podura mashkar duj thema, thaj te rhodes kavere manushen kaj acharen sa kade, ke si akarkaj, thaj te kheres lensa buchi. Ferik ke me pachav ke o manush trobuj te acharel peske limiti thaj peske possibiliti, phenlas e Arina Stoenescu.

Kaj majdur si la but planura thaj bucha kaj zukaren ande futura, na ferik sar mediatorka ta shavorenge ande Romunia kaj lako plano si te avel ande kadal neve bucha ande hamime romani historia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".