Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Sostar inkren kristi himmelfärdsdag

Publicime onsdag 4 maj 2016 kl 14.17
Zan te shunen pe jek chirikli.
(3:06 min)
jesus kors
Foto: MUSA AL SHAER

Kristi himmelsfärdsdag, Dies sanctus ascensionis Domini, si ande kristianitsko viara kodo djes kana o Jesus meklas e puv aj gelas opre ando cheri. Kado djes perel 39 djes pala e patradji,( po 40:to djes). Sar e patradji taj e rusala perel kado djes pe ruzno data sako bersh.

O Kristi himmelsfärdsdag line te inkren e manush po 300-talet. Pe kodi vrama inkrenas variso kaj busholas betessläppningen, kodo sas ke mekenas avri le guruvnjan taj e bakren avri pe mala.

Kado djes perel mindik pe zoja. Varikana pe but thana ando Svedo ginadjolas kado djes vi sar o angluno milajesko djes aj busholas "barärmdagen" kodo znachi ke adunchi kizdinas le zuvla pe piraven gada kaj sas bi bajenko.

O djes si jek lolo djes ando Svedo kodo znachi ke chavora chi zan ande skola aj but manush naj musaj te zan pe buchi.

Kon naj kristiano loshal ke siles jek extra djes kaj naj musaj te buchazi.

Ale o kristiano inkrel kado djes ke o Jesus gelas kaj pesko dad, aj kadalesa skipisardas le manushen ke njerisardas o meripe.

Varikana ande purani vrama ando Svedo, sas jek tradicia ke kidelas pe jek gruppa manush aj zanas kaj e maj pashe kangeri. Kado kerenas te shaj maladjon e ternimata anda e cine forica aj te araken pe aj te panden pe romanticne, e rashajen chi chaljolas kado von kamlon e ternimata te inkerdjon sako ande pesko forici ke kado maj letko sas len kontrola pe lende.

Adjes inkren o Kristi Himmelsfärd kade ke e khangera keren variso kaj bushol frilutsgudstjänst aj gökotta jokor te tehara. Gökotta si kana zas te shunes po göken, göken si jek chirikli. Varikana gindinas ke e chirikli e göken vorta kodo djes sas la variso te penel so kerdjola pe maj angle ande vrama.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".