Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Rom anda Bukarest penen sar trajin

Publicime fredag 6 maj 2016 kl 12.55
Le romengo trajo ande Romunia
(6:47 min)
Romer boendes i ett läger i Sollentuna äter.
1 av 3
Foto: Foto: Leif R Jansson / TT
Två kvinnor sitter ner bredvid varandra
2 av 3
Foto: Maria Dahlgren/ Sameradion & SVT Sápmi
Familjen Ciurar från Rumänien
3 av 3
Foto: Dajana Kovacevic/Sveriges Radio

Thela palune bersh dikhas paschi ande sako centrumo, angla bolti thaj ando foro. Shunas pa lengi situacia ande le nevimata pe televisia thaj vi ando radio

Si hamime opiniji mashkar manush, privatni thaj vi politicni pa lende, unji kaj milon pe thaj acharen ke trobuj kadale manush majbut zutipe thaj kaver kaj holajven kaj dikhen pe kade but thana thaj mangen love lendar.

Fajma majbut djene acharen ke vorbiasaras pa le romane EU-migrantura kaj dikhas le pe amare vulici ando Shvedi thaj aven anda thema sar Romunia thaj Bulgaria te mangen love. But shunas pa lende kathe ando Shvedo, ferik ke sar trajin von ande peske vlasni thema?

Radio Romano sas pe jek vizita ando Bukarest, Romunia

Bukarest jek phurano interesno foro kusa pherdo historia thaj shukar arkitektura. Angluno gindo so malavel kana trades matorasa thaj nakhes perdal ando foro, si ke dichol ke na kade domut kodoleske sas e Romunia thela jek kommunismo diktatura.

Phagerde khera bare gropensa ande fasada thaj phagerde felastri si jek anda anglune bajura kaj dikhes kana pashos ando sherutno foro e Romuniako o Bukarest. Paschi intregi taxi-vurdona, maj phurane vurdona si anda e romunisko marka Dacia, thaj vi o majoriteto ande le policiantonge matori.

O manush kaj tradel e taxi te ingrel man ando hoteli katar o air-porto, phagel englisiska thaj phenel kana das ando Bukarest, ke minjar nakhas thaj dikhas o palatso kaj sas bodulime katar o Nicolae Ceau?escu, la Romuniake phurano komunisticno diktatoro, kaj adjes si le parlamentosko kher thaj jek museumo.

So maj pashe avas pasha forosko centro lav sama ke pe sa kodo than pari shela metri katar le phagerde khera si jek fantasticno phurani europeisko arkitektura, phurane buildingura, djisa thaj khangera kaj sikhaven le themeski historia angla o maripe. Mashkar kado sa pherdo shukar resturanura, markovi butikura gadenge thaj papuchenge thaj shukar bare mallura thaj bolti thaj traden pherdo kuch matori.

Avral pasha jek resturano dikhav ke beshel jek phuro rom thaj mangel. Djav leste dav les hurde love, thaj lav te vorbij lesa, phenel mange ke bushol Ciortan Bede. Phenav ke sim journalista anda Shvedo, thaj ke kamav te pushav ma sar le rom ande Romunia trajin. Kade phenlas o Ciortan.

Jek kaver bajo so les sama kana phires pa o Bukarest si ke zurales but rom krujal o foro. Djuvla ande diferetni bersh ande bare zlaga, bizuteria, lungi tsohi thaj dhikle po shero kodolen maj si maj ande bersh, thaj le mursh maj butivar ande gada thaj maj tuniariki kaltsi. Vareaar dikel o manush ke naj von jek kotor anda majoriteto Romunura, varesar eksera righate, naj le sa kasave neve thaj lashe gada, thaj chi ilin varesar le kavrensa.

Nadur katar o than kaj beshlas o Ciortan tordzol jek terni chej thaj ande jek cini cerha biknel ropune bizuteriji, voj bushol Cassandra thaj avel anda jek vitza kaj phenen pe peste "Argentarija", phenel ke but rom mangen krujal e Romunia, ferik lengi vitza kado chi kamen te kheren kado thaj majfeder zumaven te biknen kodo so djal, ferik ke vaj manges vaj biknes si o trajo le romenge pharo ande Romunia.

Kana pushav katar e Cassandra sostar si kade le romenge pharo, thaj chi si le possibilita pe shkoli vaj bucha? Lel voj te asal eksera thaj phenel ke naj kade, ke ande Romunia si jek bari diskriminacia karing le rom katar o them thaj le majoritetni manush, thaj laki nadzea si te shaj tradel ando kaver them te zumavel peski bah te lel jek buchi.

Cirka 500 metri katar o than kaj tordzol e Cassandra, inkrel o rom o Albert peska romnja jek kaver cini cerha kaj biknel eksera bizuteriji thaj djuvlane gada sar bluski thaj strinfli. Vov phenel ke si but rom ande Romunia, thaj ferik ando kodo ke si rom naj le sa kodi chansa ando trajo sar le kavere citizenton.

Albert phenel majdur ke les si auktorizacia katar o them thaj pochinel pa pesko than kaj tordzol thaj biknel. Pharesij te zoribis love ke butivar majbut love kherel te inkrel peski cerha sar kaj kherel kana tordzol avral thaj biknel. O Albert phenel ke kamlov tena avel jek kasavi diskriminacia karing le rom, kamlov te dikhel jek pharujipe ando pesko them, te shaj avel vi le romen possbilita pe buchi.












Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".