Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

"Phares romenge pe kherengo marketi"

Publicime fredag 6 maj 2016 kl 13.43
"Pachav ke avla maj feder, feri na pala 2-3 bersh"
(5:03 min)
Alice Bah Kuhnke thaj Boverket
Regeriungo das buchi khaj Boverket te malavel pe tele deiskriminatcia pe kherengo marketi. Foto: Niclas Åkerström/Sveriges Radio, Franz Feldmanis Boverket.

O regeriungo das buchi khaj o Boverket te vazdel pe opre djanglipe pa rom thaj te malavel pe tele e diskriminatcia pe rom pe buchiako marketi.

E rom phende ke e diskriminatcia si bari thaj ke si but diskriminatcia pe kherengo marketi thaj o resultato si ke e rom chi birin te len khera pe kherengo marketi thaj anda kado vazdas ame kadi buchi opre phenel e kultur thaj demokratiministerka Alice Bah Kuhnke.

Kadi buchi si jekh kotor ande regeriungoski strategia karing romani inkludatcia thaj jekh drom te birin e rom te len khera.

Jekh so nakhlas diskriminatcia si e romni Hilda khaj si jekh finlandicko romni khaj phiravel romane ghada voj phenel ke voj sas po angluno than pe jekh kher ande jekh cini komuna pasha stockholm thaj sa sas mishto zhi pun e gazda pa kherengo than dikhlas ke voj si romni.

Kana e Hilda avilas khere thaj gelas te dikhel sar e processa djal e kheresa dikhlas voj ke voj aba nas po angluno than po kher feri ke lako anav sas pe buteste maj tele.

Voj phenel ke kado sas diskriminatcia thaj antiziganismo ke e gazda las te phenel but thaj zumavlas te phenel ke sa sas sar khaj trobujas thaj ke varikhon kaver sas angla late, feri sikadjilas pe ke a Hilda sas jekh vrama so sas 1 intrego bersh angla o kaver manush.

Hilda phenel ke zurales chores acharlas pe voj ke vi te sas la chachipe te lel o kher chi birijas voj kanchi te kherel thaj kado si o pharipe ke vi te si tut chachipe naj tut chachipe thaj e dosh si ke san rom.

Stefano Kuzhicov si jekh delegato ande Komissia karing Antiziganismo vav phenel ke kade si sar khaj phenel e Hilda thaj phenel ke si vi kaver problemura thaj kodo si kusa e romane anava.

E buchi so Boverket las pe peste si zhi khaj o bersh 2018 thaj kote kerna maj but manush buchi sar Länstyrelsen thaj vi romane representatura pasha kodo avla vi kontakto kusa Diskrimineringsombudsmannen.

Kado si zurales mishto thaj feri chi avla dosta 2 -3 bersh phenel o Stefano Kuzhicov maj dur.

Vi kade ghindoj e kultur thaj demokratiminister Alice Bah Kuhnke ke kadi problemtika chi parudjiola pe tela duj bersh feri voj pachal ke avla parujipe pe kherengo marketi pala jekh maj lungo vrama thaj atunchi musaja vi e rom te len zor te keren kadalesa buchi.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".