Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Regeringskansliet rodel Romen

Publicime tisdag 10 maj 2016 kl 11.06
"Kadi grupa si vazno ke Rom den nominatcia pe kaver Rom"
(4:45 min)
Vudar khaj Regeringskansliet.
20 rom avna andre ande kadi nevi Romani referensgrupa. Foto: Bertil Ericson / TT

11 majo si o maj paluno djes khaj e rom shaj te den andre nominatcia pe Rom so shaj te beshen ande kadi grupa.

20 romen rodel pe akanak anda sa romane grupi, ande sa bersha, kote si te aven vi mursh thaj vi djuvlia thaj von si te birin te beshen ande jekh referensgrupa khaj maladjiol pe univar ande jekh bersh thaj te vazden opre pushimata tte diskutulin thaj vi te ingren kodo khaj e rom ande kaver thana, phenel o Andrés Zanzi khaj si kansliråd ande regeringskansliet thaj kerel buchi kusa strategia pe romani inkludatcia.

Zhi khaj 11 majo birin e rom te den andre penge nominatci pe rom so von ghindon birin te keren buchi kusa romane pushimata thaj te dikhen save trobujimata si e romen, te den propozalura thaj te dikhen perdal propozalura so aven pe zutimaske projekti.

Andrés Zanzi phenel ke sako jekh rom so si ando Shvedo birij te del andre jekh nominatcia thaj kodo kerel pe ke bishavel pe vaj vorbij pe andre khaj regeringskansliet thaj del pe ekcera informatcia pa kodo manush so mangel pe te aresel andre ande kadi grupa thaj pala kodo dikhel regeringskansliet perdal sa e nominatci thaj von alosaren kodolen so von acharen birin te keren jekh buchi ande kadi referensgrupa.


Kadi si e dujto data khaj vazdel pe opre jekh referensgrupa ande regeringskansliet e angluni grupa kerlas buchi khetanes khatar o bersh 2013 zhi khaj kado bersh 2016 thaj kadi grupa kerlas jekh lashi buchi.

E referensgrupa areselas maj sigo ande buchiako processa thaj delas peske ghindura thaj propozalura thaj kado djalas maj dur thaj areselas pala kodo khaj politicne decizi ande politika pe romane pushimata.

Thaj kado acharel vi o Robert Brisenstam khaj beshlas andre ande kadi angluni referensgrupa khaj regeringskansliet.

Kadi buchi si vazno so e referensgrupa kerel thaj kadi grupa si vi zurali mashkar e rom phenel o Robert Brisenstam thaj e dosh khaj kodo si ke e rom bishaven korkori nominatci pe kaver rom, naj kade sar maj anglal ke varikon kaver arakhlas jekhe romes thaj shiolas les korkori andre ande jekh grupa.

Tehara 11 majo si o maj paluno djes te del pe andre nominatcia pe rom thaj o Andrés Zanzi mangel e romen te den pe ghindo thaj te den andre penge nominatci, ke von mangen te aven maj but nominatci sar kodol 30 so lende aresle.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".