Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Chi den godo zutpe so phende e romenge

Publicime onsdag 11 maj 2016 kl 09.56
Hjärta till hjärta chi dlje godo zutipe so phende
(5:59 min)
Rickard Klerfors är biståndsansvarig på Hjärta till Hjärta. Foto: Magnus Arvidson
Rickard Klerfors är biståndsansvarig på Hjärta till Hjärta. Foto: Foto: Magnus Arvidson.

O SR programo Kaliber mothol o chachipe sar e humanitarne thaj khangirake organizacie saven si suporto katar e manush ando Shvedo thaj kotar o regeringo den dumo e EU-migrantonge, vaj e romeneg katar e Rumunia.

September 2015 bersh e Shvedosko regeringo del proposalo sar te zutinepe e EU migrantia, e ministerka Åsa Regnér ando kedipe savo ikerdape ando Nalen ando Stockholm. Phendas kaj maj mishto te dolpe love ke humaintarne organizacie a na e EU migranton save mangen love pe droma.

Ando kedipe sas maj but se 200 akharde specialne gostia katar o sa o Shvedo te ljen than, but djen sas kotar e media thaj vi sas direktno o kedipe ando SVT programo.

E romane representatia kerde zoralji reakcia pe gado, e EU parlamntariker kotar o Fi e Soraya Post chi chaljilji so phendas e minsterka e manushge te na den maj love e romenge save mange love pe droma.

Vi o Fred Taikon kotar e organizacia E Romani Glidna sas shokovano so voj phenda.

Numa ando kedipe savo kerda o regeringo, pe bina vi vazlje te vorbil e organizacia hjärta till hjärta, te den piro gindo sar von kamen te zutin e manushe save aven te mangen love pe droma po than andi Rumiunia kotar on aven.

Vorbipe pe jekh gado kedipe las o Rickard Klerfors katar e organizacia hjärta till hjärta, thaj savo vi si sar oragnizatori andi Östererupa te zutinpe e chorolje huminatarno katar e khangiraki rig, gade sas ljesko gindo sar te zutin e manushen?

Va von kamlje e roma vaj e EU-migrantia te keren korgar-vaj sepetke andi Rumunia thaj gade von ka ljen buchi thaj ka achon ando piro them a na te aven te mange love pe droma.

Akava projekto thaj e buchi so kerda e hjärta till hjärta dlas vi oficialno dumo o statsko minstari Stefan Löven.

Numa sar sas e buchi so kerdape maj dur o Rickard Klerfors kotar e organizacia hjärta till hjärta phenol gade.

Nais tumeneg so den dumo e romenge, te shaj keren buchi, numa o programo Kaliber arakhla vareso javer pe akava so e organizacia hjärta till hjärka kerdas.

Ando ljengo ljil vaj socialne medier hramol kaj 10 djene ljilje buchi, maj dur 25 djene kaj e roma keren buchi thaj pochine skatto thaj si ljen sastiapski inshuransa. Numa kana o reporteri puchlape kobor pochinolpe pa jekh korg so keren e roma vov phenda numa 30 krune, thaj kana o korgar avol ando Shevdo ando piro dujto vastesko butiko von bichinen ljne 350 krune po kotor.

Ando puchipe sostar e roma ljen numa 30 krune thaj maj cera, sar exemplo akana perade ando 15 krune o Rickard Klerfors phendas gade.

Sa akava kerda kaj but djene save kamlje te kerene buchi, palje irindjep napalal te mange love ando Shvedo. Kaj sa akava sas hohaipe thaj naj mishto phenol o Ion Greeruș rom savo gelo pe akava kurs te keren buhci andi Rumunia numa si ando shvedo akana palje mangol love pe droma.

O Ion mothol 4 personen saven pindjarol save irindepe napal ando shevdo, kaj chi kamen maj te keren buchi so si cera pochimos a si but buchi.

o SR progarmo kaliber ando dujto progrmao ka mothol maj dur o chachipe so kerolpe andi Rumunia pa o projketo thaj sar e roma hacharnepe kana keren buchi ljenca ashunen jekh cikno kotor.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".