Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Zakono pe garudino lishipe

Publicime torsdag 12 maj 2016 kl 14.17
Garudino dikhipe pe komputerura
(1:37 min)
Vast pe jekh komputeri.
Zakono nakhlas te avel garudino dikhipe pe manushenge komputera. Foto: Damian Dovarganes

Adjes las o regeriungo decizia te avel slobodo a policiake te kerel garudino dikhipe ande manushenge komputera.

E policia birija te mukhel trojanura ande manushenge komputerura thaj pala kodo te dikhel perdal manushenge komputera.

Linda Snecker khaj si rättspolitisk vorbitori ande Vänsterpartiet si zurales kriticno karing kadi decizia.

Kadi si jekh invazia pe manushengo privatno trajo thaj si bari chansa ke manush so naj doshale avna shutine ande policiaki investigatciake buchia, phenel e Linda Snecker khaj si rättspolitisk vorbitori ande Vänsterpartiet.

E buchi khaj kerel pe garudino dikhipe pe komputerura si jekh metoda khaj but manush kritikulin feri o andrethemutno ministro o Anders Ygeman phenel ke kado avla jekh vazno chokaj ande shvedicko investigatcia.

E decizia so sas adjes lini sas opre dini po propozalo ande paluno bersh ando shion december thaj e sherutni ande Justitieutskottet e Moderatka Beatrice Ask si chali kadalesa ke o propozalo nakhlas thaj ke avla jekh garudino dikhipe pe manushenge komputerura ando Shvedo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".