Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Kritika karing e zutimaski organizacia "Hjärta till Hjärta"

Publicime måndag 16 maj 2016 kl 12.21
Rickard Klerfors är biståndsansvarig på Hjärta till Hjärta. Foto: Magnus Arvidson
Rickard Klerfors sherutno ande ekonomia ando Hjärta till Hjärta. Foto: Foto: Magnus Arvidson.

Jek rhodipe kaj sas kherdo katar o Shvedisko Radiosko programo Kaliber sikhavel ke naj bucharen kontrakto katar e zutimaski organizacia.

E zutimaski organizacia "Hjärta till Hjärta", pherdzol 25-bershengi, thaj opral e shov miljonura koroni sas dine katar shvedura sar zutipe ande organizacia, jek siffra kaj vazdaspe pe duvareste thela duj bersh. Vi o shvedisko regeringo ashardas e buchi kaj kherdij katar e organizacia.

Ferik ke jek rhodipe kaj sas kherdo katar o Shvedisko Radiosko programo Kaliber sikhavel ke but djene khernas buchi ande projekta akanak palpalej ando Shvedo thaj mangen love pala kode ke za cera love zarobin thaj naj le buchake kontraktura.

O angluno kotor si maj pharo pala kode kheres buchi so maj opre kana kheres le koshara vaj le korgar, sikhavel o Nicolai vov si jek anda 25 djene kaj so kheren buchi ande jek socialno firma kaj e zutimaski organizacia phenel ande reklamoske kampanji ke kezdisarde ando gav Pauleasca ande Romunia.

E buchi te kheres le koshara site den manushen bucha, nasvalimaske inshuransura thaj pensiji, thaj e buchi si finansovano katar love kaj le shvedura den sar zutipe ande organizacia.

E projekta kaj sas vazdini thaj ashardi katar o o shvedisko regeringo znachisardas but amenge, phenel e organizaciako sherutno ande buchi o Anders Holmefur.

- Kana amaro statsminster thaj kaver djan avri phuterdes thaj atunchi vazdelpe amaro pachape, phenel o Anders Holmefur sherutno ande organizacia Hjärta till Hjärta.

Ferik ke kana o Kaliber djal pe jek vizita ando gav Pauleasca, sikhadzol jek safsiom kaver patreto, o reporteri pushel katar jek anda le buchara kaj so kheraven le koshara chi skirisardas kontrakto?

- Na kanchi chi dine les ando vas, phenel e tlumachka pala o pushipe.

Inja buchara kaj so kheraven koshara phenen ke kherde buchi bi kontraktosko thaj ke line pochinimata po kalo. Ferik ke o biståndsansvarige vaj o responsibilno pe love ande organizacia Hjärta till Hjärta o Rickard Klerfors, phenel ke naj kade thaj ke sakofalo ande lengi organizacia si sar kaj trobuj.

- Me chi djanav sostar von phenen ke len naj officialno kontrakto, phenel o Rickard Klerfors

O Hjärta till Hjärta skirin ande peske kampanji pe socialno mediji ke phuterde jek nevi socialno firma. Ferik kana o Kaliber kontrolulisardas löe lokalni departementonsa ande Romnunia, sikhadzol ke jek kasavi firma chi existulij. E buchi si kherdi pa jek romunisko institucia kaj o Hjärta till Hjärta kheren buchi lensa.

Anders Holmefur sherutno ande organizacia Hjärta till Hjärta pale.

- Kam eksera chorres sas phendo, kado si jek firma ande socialno ekonomia, ferik ke akanak si e buchi kherdi ande kadi instutuciako anav, phenel o Anders Holmefur.

E zutimaski organizacia Hjärta till Hjärta chi kamen te sikhaven varesoske dokumentura val lila ke le skattura thaj pochinimata si pochine pa le buchara kaj kheraven le koshara, pala kado ke o Kaliber butivar pushle pala kadi dokumentacia. Von phenel ke si sekretesso pe kadal lila, thaj kade shundzol kana o reporteri pa telefono zumavel te pushel pa lila katar o sherutno Anders Holmefur.

- Sar bushol e firma kaj das les e buchi? Pushel o reporteri anda Kaliber katar e tlumachka pa jek anda le buchara, vov chi djanel phenel voj palpale.

O paluno bersh kherdas Hjärta till Hjärta rekordo ande summa love kaj khide andre kusa 6 miljonura korino. Thaj majbut avel ande organizacia pa jek projekta kaj bushol "Team roma", kaj kheraven le koshara vaj korgar. Jek anda kodol kaj regularnie del love ande organizacia si o statsminster Stefan Lofven, phenlas vov ande gazeta Expressen angla milaj kado bersh.

O o nationalno kordinatoro vaj o nationella samordnaren pe EU-migrantura o Martin Valfridsson skirisardas butivar po Facebook reklama pe koshara kherade katar le rom thaj anda projekta, thaj sas vi po than kana kezdisarde e projekta. Vareso kaj skirij pe ando rapporto kaj sas dino kaj o regeringo ando februari shon kado bersh. Vov alosardas tena del kommentaro ando Kaliber pala kodo ke rhode les.

Ande paluno zumajipe katar Kaliber te len jek atveto katar Hjärta till Hjärta kheren telefono kaj o sherutno Anders Holmefur.

- Vorbia palpale tehara, phenel vov.

Pala kode avel jek sms thaj skirij o Anders Holmefur

"Ame naj majbut te phenas akanak. Ame shutam but chasura pe chire pushimata. Te si inke krtika thaj seriozne acuzaciji dasa me atveto palple ande kodi forma kaj ame jekzene alosaras". Skirisardas o Anders Holmefur.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".