Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Filmo pa romani muzika

Publicime tisdag 17 maj 2016 kl 10.51
"Kamas te sikavas e purani romani muzikaki historia"
(4:35 min)
Grofo lesko chavo thaj o Gryshka Sywak
E duj pral Grofo thaj o Gryshka si te boldaven jekh filmo khaj sikavel e romani muzicno historia. Foto: Adam Szoppe/ Sveriges Radio

Ando Shvedo si akanak jekh plano te boldel pe jekh dokumentarno filmo thaj kado filmo si te avel mukhlo ande Shvedciko televizia.

O producento si Ryszard Solarz thaj lesa si duj rom pangle, o Antonio Sywak thaj Gryshka Sywak khaj kerna o filmo.

O Romano dokumentarno filmo pa romani muzika si akanak tela jekh reaserch stadium, phenel o Antonio Sywak khaj bushiol Grofo Romanes.

O filmo si te avel pa romani muzikaki Kultura, phenel o Grofo.

Grofo thaj lesko pral o Gryshka Sywak si te bolden jekh muzicno dokumentarno filmo khetanes kusa o rezisheri Ryszard Solraz thaj o filmo si te avel jekh moderno "Latcho Drom" khaj e manush si te birin te traden pe jekh muzicno drom khaj maj phure rom so mukhle pesko instrumento thaj aba chi cirden muzika.

Gryshka phenel ke kado dukhal ke e rom so cirdenas peski kamadi muzika mukhle kado thaj kado kerel ke vi e romani muzika hasajvel vramasa.

E duj pral Gryshka thaj o Grofo phenen ke trobuj te vazdel pe e phuren opre, te sikaven e phure rom e muzikaki kultura so len sas maj anglal ke kadi romani muzikaki tradicia shaja te hasajvel kadale phure romenca.

Ame kamas te sikavas e purani romani muzikaki historia thaj kado birin feri e phure rom te keren.

Grofo phenel ke kado filmo avla jekh shukar dokumentarno filmo feri na jekh normalno dokumentarno filmo, avla maj but sar jekh filmo khaj dikhel pe e manushen thaj lengo dikhipe khaj e romani muzika.


Grofo phenel ke von kamen kontako akanak romenca anda sa romane grupi, ke kado si vazno te aven rom anda difernentne romane grupi. Ke e diferentne romen si diferentno muzicno historia thaj kado mangen von phure romen, khaj cirden romani muzika te birin te phenen pengi romani historia ande kado dokumentarno filmo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".