Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Dar anda 15-bershengi djuvli kaj mangel

Publicime onsdag 18 maj 2016 kl 12.52
"Chi trobujas te trajij thela kadal condiciji"
(3:15 min)
Tiggare.
Jke mangitorka. Naj phangli o manush po foto kaj o artiklo Foto: Hasse Holmberg / TT

Jek 15-bershengi djuvlori bershel thaj mangel pe vulicia ando foro Avesta. Ferik vi te sas lako falo butivar opre dino vaj ke kherde orosanmälningar kaj o socialo chi kherdzilas kanchi.


Jek 15-bershengi djuvlori bershel thaj mangel pe vulicia ando foro Avesta. Ferik vi te sas lako falo butivar opre dino vaj ke kherde orosanmälningar kaj o socialo chi kherdzilas kanchi.

E Anneli Philgren si jek anda kodol kaj opre das ando socialo.

- Kado naj mishto, shavora chi trobujas te aven kathe thela kodol kondiciji sar kaj voj si. Voj site avel khere thaj te phirel ande shkola, phenel e Anneli Philgren.

Thela kurko rapportulisardas o P4 Dalarnapa chorora Eu-migrantura ande Avesta kaj si chorres hasnime pa o mangipe. Sar exemplo si testemoniji pa manush kaj mangen ande komuna thaj naj lenge slobodo te ashaven penge e love kaj zarobin. Sas jek policiako rhodipe pa manushikano handlo, ferik anda kodo ke za cera resurso sas kaj e policia sas e investigacia thele phandadi.

Kadi 15-bershengi djuvlori ginadzol kaj e gruppa EU-migrantura kaj si ande Avesta. Thaj anda laka terne bersh e Annelie Philgren thaj kaver anda volentarno gruppa "Hjälp EU-migranter i Avesta", vaj zutin le EU-migranton ande Avesta dine opre butivar kaj o socialo pa la terna djuvlaki situacia.

Ando shvedisko zakono skirijpe ke sako jek kaj djanel vaj gindoj ke shavoreske shaj avel chorri trobuj te del opre kado kaj o socialo, kado bushol jek orosanmälan.

Ferik ke kaj si sekretesso kaj o socialo, chi djanel e Annelie Philgren chi e komuna reagulisardas varesar pe lenge opre dinimata, ferik ke djanel ke e djuvlori majdur beshel thaj mangel ande Avesta.

Le anglune razura kaj dam opre sas ando januari-februari shon, ferik ke pala kode voj tradas palpale ande Bulgaria thaj atunchi ame gindosardam ke sako fala gataj, ferik ke akanak palpalej voj ando foro, kam pale trobuj te das opre vaj te kheras jek orosanmälan, thela palune kurke trajij voj ande jek vurdon vaj matora

Thaj po pushipe so e gruppa "Hjälp EU-migranter i Avesta", kamenas te kerdzol kaj opre den kaj o socialo, phenel e Anneli Philgren.


- Te djan te maladzon kadale djuvlorasa thaj te kheren pala kode te shaj avel khere ande Bulgaria kaj si la kher thaj e possibilita te phirel ande shkola.

Kana o P4 Dalarna, line kontakto le socialosa ande Avesta phenen vi lenge palpale, ke nashtik den kommentaro pa o individualn fallo.

- Ame nashtik das informacia manushen kaj opre den so kerdzol pe, ke si sekretesso ande individualni fallura, phenel e Ann-Christine Magnusson, chefojka ando socialo ande Avesta.

Ferik ke phenel majdur ke o socialo sa kade inkren thaj len sama pala intregi fallura kaj si opre dine pa shavora sa kade.

- Amenge musajij te dikhas pe shavora kaj shaj avel lenge varesar chorres, vaj si EU-migrantura vaj citizentura ande komuna, phenel e chefojka ando socialo majdur.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".