Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Uppsala Stadsmisson: Phares shavorenge kaj si EU-migrantura

Publicime onsdag 18 maj 2016 kl 15.03
"Sar avilov te avel jek shvedisko dej?"
(4:52 min)
Margareta Svensson Paras, verksamhetschef Uppsala Stadsmission. Foto Stefan Hesserud Persson
Margareta Svensson Paras, sherutni ando Uppsala Stadsmission. Foto: Foto Stefan Hesserud Persson

Kherdam vi telefono ando Uppsala Stadsmission te dikhas sar e problematika kusa shavora kaj si EU-migrantura mezij kothe.

Ando foro Uppsala sikhaven siffri katar e policia ke si cirka 20-30 shavora po than kaj si EU-migrantura. O majoriteto anda kadal shavora avile penge dadensa thaj dejansa, thaj sar kaj line sama chi mangen von pe vulici, phenel e Margareta Svensson Paras si e sherutni ande organizacia Uppsala Stadsmission.

Ferik ke phenel ke sas fallura kaj von opre dine shavorengi situacia kaj o socialo thaj lel sama ke o kotor opre dine fallura vazden pe.

- Kado kherdzilas pari razura. Thaj vi djanas ke kaver manush den opre kaj o socialo vaj kheren orosanmälningar. Si jek vazdino kotor opre dine fallura kaj o socialo, phenel e Margareta Svensson Paras, sherutni ande organizacia Uppsala Stadsmission.

Kaj majdur phenel ke laki experiencia si ke o socialo ande Uppsala komuna zumaven te rhoden thaj te kheren investigaciji kana avel kaj shavora kaj si EU-migrantura. Sar exemplo ke len sama jek shavoro te avel thela doktoroski kontrola. Sas vi zumado katar o Uppsala Stadsmission khetanes kusa socialo thaj kaver volentarni organizaciji kaj den possibilita pe khera, te den jekha cina familja e possibilita te traden palpale ande pesko them, ferik ke butivar e familja palpale dine pe, phenel e Margareta Svensson Paras.

Kaj majdur phenel ke opruch kado chi dikhlas voj majbut bucha katar o socialo karing kadal shavora.

E Margareta Svensson Paras, phenel majdur ke von ande organizacia Uppsala Stadsmission, den opre kaj o socialo shavoreski situacia vaj kheren jek orosanmälan, kana len sama ke dej vaj dat chi birin anda diferetni atvetura te len sama so trobuj lenge shavores. Thaj kade butivar dine von opre ando socialo.

Ferik ke vi phenel ke voj chi acharel sostar o socialo chi kherel majbut o socialo te zutin kadale shavoren.

- Kado vi ame kamas te djanas, gindoj ke shaj aven na securni tena kheren zabut. Shaj ke kamen te inkren o pravo thaj te shon le citizentonande komuna anglunes. Thaj kothe me dav ma gindo, chi ame ando Shvedo thaj ande Uppsala acceptulisardamas chi jek shvedisko dej trajisardov ande jek matora jivende peske cine shavoresa, chi djanav kado, phenel e Margareta Svensson Paras.

Thaj po pushipe so voj gindoj ke shaj kherdinov majbut kadale shavorenge phendas amenge kade.

- Angla mande si kadal shavora zurales avri shutnie. Le daden thaj le dejan si jek reponsibilita, ferik ke kana von chi birij trobujas angla mane te birij o socialo te len le deja thaj vi e shavores karing peste vaj omhänderta te shaj kheren buchi le dejasa thaj le shavoresa, te dikhen sar kado chaches mezij. Jek shavoro si jek shavoro kaj tena arakhdzola thaj katar savi dej, vaj thela savo zakono. Trobuj te protectulin le shavoren, thaj pharesij te dikhes sar e situacia kadale shavorengi mezij, phenel e Margareta Svensson Paras anda Uppsala Stadsmission.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".